സ്വ​ദേ​ശി അ​നു​പാ​തം പാ​ലി​ക്കാ​ത്ത  ക​മ്പ​നി​ക​ൾ​ക്കു​ള്ള പി​ഴ മൂ​ന്നി​ര​ട്ടി​യാ​ക്കി

കു​വൈ​ത്ത് സി​റ്റി: രാ​ജ്യ​ത്ത് സ്വ​ദേ​ശി അ​നു​പാ​തം കൃ​ത്യ​മാ​യി പാ​ലി​ക്കാ​ത്ത സ്വ​കാ​ര്യ ക​മ്പ​നി​ക​ൾ​ക്കു​ള്ള പി​ഴ മൂ​ന്നി​ര​ട്ടി​യാ​ക്കി ഉ​യ​ർ​ത്താ​ൻ തീ​രു​മാ​നം. 
നി​ല​വി​ൽ നി​ശ്ചി​ത​യെ​ണ്ണം സ്വ​ദേ​ശി​ക​ളെ ജോ​ലി​ക്ക്​ വെ​ക്കാ​ത്ത ക​മ്പ​നി ഒ​രു തൊ​ഴി​ലാ​ളി​ക്ക് 100 ദീ​നാ​ർ എ​ന്ന​തോ​തി​ൽ പി​ഴ കൊ​ടു​ക്ക​ണ​മെ​ന്നാ​ണ് നി​യ​മം. പു​തി​യ ഉ​ത്ത​ര​വി​ൽ അ​ത് 300 ദീ​നാ​റാ​യി ഉ​യ​ർ​ത്താ​നാ​ണ് തീ​രു​മാ​നം. പു​തി​യ ഉ​ത്ത​ര​വ് ഏ​പ്രി​ൽ മു​ത​ൽ ന​ട​പ്പാ​ക്കു​മെ​ന്ന് മാ​ൻ​പ​വ​ർ അ​തോ​റി​റ്റി​യെ ഉ​ദ്ധ​രി​ച്ച് പ്രാ​ദേ​ശി​ക പ​ത്രം വ്യ​ക്ത​മാ​ക്കി. 

നി​ശ്ചി​ത എ​ണ്ണ​ത്തി​ന്​ മു​ക​ളി​ൽ ജീ​വ​ന​ക്കാ​രു​ള്ള ഓ​ഫി​സു​ക​ൾ, എ​ൻ​ജി​നീ​യ​റി​ങ്​ ക​മ്പ​നി​ക​ൾ, അ​ഭി​ഭാ​ഷ​ക​രു​ടെ​യും ജ​ഡ്ജി​മാ​രു​ടെ​യും ഓ​ഫി​സു​ക​ൾ എ​ന്നി​വി​ട​ങ്ങ​ളി​ൽ അ​ഞ്ചു ശ​ത​മാ​നം സ്വ​ദേ​ശി​ക​ളെ നി​യ​മി​ക്ക​ണ​മെ​ന്ന​താ​യി​രു​ന്നു നി​ല​വി​ലെ വ്യ​വ​സ്​​ഥ. ഇ​ത് 10 ശ​ത​മാ​ന​മാ​യി ഉ​യ​ർ​ത്താ​നാ​ണ് പു​തി​യ ഉ​ത്ത​ര​വി​ലു​ള്ള​ത്. 
അ​തു​പോ​ലെ ജ​ന​റ​ൽ ട്രേ​ഡി​ങ്​ ആ​ൻ​ഡ്​ കോ​ൺ​ട്രാ​ക്ടി​ങ്​ മേ​ഖ​ല​യി​ൽ നാ​ലു ശ​ത​മാ​നം സ്വ​ദേ​ശി​ക​ളെ നി​യ​മി​ക്ക​ണ​മെ​ന്നും പു​തി​യ ഉ​ത്ത​ര​വി​ലു​ണ്ട്.
 സ​ർ​ക്കാ​ർ കോ​ൺ​ട്രാ​ക്ടി​ങ്​ ക​മ്പ​നി​ക​ളി​ൽ പ​ദ്ധ​തി ന​ട​പ്പാ​ക്കി വി​ജ​യി​ച്ച​താ​ണ് മ​റ്റു മേ​ഖ​ല​ക​ളി​ലേ​ക്ക് കൂ​ടി ഇ​ത് വ്യാ​പി​പ്പി​ക്കാ​ൻ അ​ധി​കൃ​ത​രെ പ്രേ​രി​പ്പി​ച്ച​ത്. സ്വ​കാ​ര്യ മേ​ഖ​ല​ക​ളി​ൽ സ്വ​ദേ​ശി​വ​ത്​​ക​ര​ണം ഘ​ട്ടം​ഘ​ട്ട​മാ​യി ന​ട​പ്പാ​ക്കു​ക​യെ​ന്ന​താ​ണ് ഇ​തി​ലൂ​ടെ ല​ക്ഷ്യ​മാ​ക്കു​ന്ന​തെ​ന്ന് അ​തോ​റി​റ്റി​യു​മാ​യി ബ​ന്ധ​പ്പെ​ട്ട ഉ​ന്ന​ത വൃ​ത്ത​ങ്ങ​ൾ പ​റ​ഞ്ഞു. 

ചി​ല ക​മ്പ​നി​ക​ൾ സ്വ​ദേ​ശി​ക​ളെ തീ​രേ നി​യ​മി​ക്കാ​തെ പി​ഴ കൊ​ടു​ത്തു​കൊ​ണ്ടി​രി​ക്കു​ക​യെ​ന്ന രീ​തി പി​ന്തു​ട​രു​ക​യാ​ണ്. പി​ഴ  മൂ​ന്നി​ര​ട്ടി​യാ​ക്കി ഉ​യ​ർ​ത്തു​ന്ന​തി​ലൂ​ടെ ഈ ​പ്ര​വ​ണ​ത​ക്ക് അ​റു​തി​വ​രു​ത്താ​ൻ സാ​ധി​ക്കു​മെ​ന്നും അ​ധി​കൃ​ത​ർ ക​ണ​ക്കു​കൂ​ട്ടു​ന്നു​ണ്ട്. സാ​ധാ​ര​ണ തൊ​ഴി​ലാ​ളി, ഡ്രൈ​വ​ർ എ​ന്നീ ത​സ്​​തി​ക​ക​ളി​ൽ​പോ​ലും നി​ശ്ചി​ത ശ​ത​മാ​നം സ്വ​ദേ​ശി​ക​ളെ നി​യ​മി​ക്കാ​ത്ത ക​മ്പ​നി​ക​ൾ ഈ ​ഉ​ത്ത​ര​വി​​െൻറ പ​രി​ധി​യി​ൽ​വ​രും.