കു​വൈ​ത്തി​ലെ മ​ര​ണ​ങ്ങ​ളി​ൽ 40 ശ​ത​മാ​നം ഹൃ​ദ്രോ​ഗം കാ​ര​ണം

കു​വൈ​ത്ത് സി​റ്റി: രാ​ജ്യ​ത്തെ മ​ര​ണ​ങ്ങ​ളി​ൽ 40 ശ​ത​മാ​ന​വും ഹൃ​ദ്രോ​ഗ സം​ബ​ന്ധ​മാ​യ കാ​ര​ണ​ങ്ങ​ളാ​ലാ​ണെ​ന്ന് വെ​ളി​പ്പെ​ടു​ത്ത​ൽ. ജി.​സി.​സി-​യൂ​റോ​പ്യ​ൻ ഹാ​ർ​ട്ട് സൊ​സൈ​റ്റി​യു​ടെ ര​ണ്ടാം ഉ​ച്ച​കോ​ടി ഉ​ദ്ഘാ​ട​നം ചെ​യ്ത്​ സം​സാ​രി​ക്ക​വെ ആ​രോ​ഗ്യ​മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ഡോ. ​മു​സ്​​ത​ഫ റി​ദ​യാ​ണ് ഇ​ക്കാ​ര്യം വ്യ​ക്ത​മാ​ക്കി​യ​ത്. പ്ര​മേ​ഹം, ര​ക്​​ത​സ​മ്മ​ർ​ദം പോ​ലു​ള്ള ജീ​വി​ത​ശൈ​ലീ രോ​ഗ​ങ്ങ​ളും കാ​ൻ​സ​ർ ഉ​ൾ​പ്പെ​ടെ​യു​ള്ള മ​റ്റു രോ​ഗ​ങ്ങ​ളു​മാ​ണ് ആ​ളു​ക​ളെ മ​ര​ണ​ത്തി​ലേ​ക്ക് ന​യി​ക്കു​ന്ന മ​റ്റു പ്ര​ധാ​ന കാ​ര​ണ​ങ്ങ​ൾ.

ആ​രോ​ഗ്യ പൂ​ർ​ണ​മാ​യ ഭ​ക്ഷ​ണ ശൈ​ലി​യോ​ടൊ​പ്പം കൃ​ത്യ​മാ​യ വ്യാ​യാ​മം തു​ട​രു​ക​യാ​ണെ​ങ്കി​ൽ ഹൃ​ദ​യ​സം​ബ​ന്ധ​മാ​യ രോ​ഗ​ങ്ങ​ൾ ഒ​രു പ​രി​ധി​വ​രെ നി​യ​ന്ത്രി​ക്കാ​ൻ സാ​ധി​ക്കു​മെ​ന്നാ​ണ് പ​ഠ​നം. ഫാ​സ്​​റ്റ് ഫു​ഡ് സം​സ്​​കാ​രം കു​ട്ടി​ക​ളെ​യും മു​തി​ർ​ന്ന​വ​രെ​യും പൊ​ണ്ണ​ത്ത​ടി​യു​ള്ള​വ​രാ​ക്കി മാ​റ്റു​ന്നു. ഇ​ങ്ങ​നെ​യു​ള്ള​വ​ർ ഭാ​വി​യി​ൽ ഹൃ​ദ​യ​രോ​ഗി​ക​ളാ​യി മാ​റാ​നു​ള്ള സാ​ധ്യ​ത ഏ​റെ​യാ​ണ്. ഹൃ​ദ്രോ​ഗ ചി​കി​ത്സ​യി​ൽ മു​ൻ​കാ​ല​ത്തെ അ​പേ​ക്ഷി​ച്ച് രാ​ജ്യം ഏ​റെ മു​ന്നോ​ട്ടു​പോ​യി​ട്ടു​ണ്ട്. ചി​കി​ത്സാ മേ​ഖ​ല​യി​ൽ യൂ​റോ​പ്പി​ലേ​തു​ൾ​പ്പെ​ടെ വി​വി​ധ രാ​ജ്യ​ങ്ങ​ളു​മാ​യി സ​ഹ​ക​ര​ണം രൂ​പ​പ്പെ​ടു​ത്തി​യ​ത് ഇ​തി​ന് മു​ത​ൽ​ക്കൂ​ട്ടാ​യി. ലോ​കോ​ത്ത​ര നി​ല​വാ​ര​ത്തി​ലു​ള്ള ചി​കി​ത്സ ഹൃ​ദ്രോ​ഗ മേ​ഖ​ല​യി​ൽ ഇ​ന്ന് കു​വൈ​ത്തി​ലും ല​ഭ്യ​മാ​ണെ​ന്ന് മു​സ്​​ത​ഫ റി​ദ കൂ​ട്ടി​ച്ചേ​ർ​ത്തു.