കുവൈത്ത് സിറ്റി: കുവൈത്തിൽ 90,000 സിവിൽ െഎ.ഡി കാർഡുകൾ വിതരണത്തിന് തയാറായതായി പബ്ലിക് അതോറിറ്റി ഫോർ സിവിൽ ഇൻഫർമേഷൻ അറിയിച്ചു. പ്രതിദിനം 2000 കാർഡുകൾ എന്ന തോതിൽ വിതരണം ചെയ്യും. സിവിൽ െഎ.ഡിയുമായി ബന്ധപ്പെട്ട 500 ഇടപാടുകളും ഒരു ദിവസം അനുവദിക്കും. കോവിഡ് കാലമായതിനാൽ നിയന്ത്രിതമായി മാത്രമേ സന്ദർശകരെ അനുവദിക്കുന്നുള്ളൂ.
പബ്ലിക് അതോറിറ്റി ഫോർ സിവിൽ ഇൻഫർമേഷൻ (പാസി) ഒാഫിസ് ഞായറാഴ്ച മുതൽ തുറന്ന് പ്രവർത്തിക്കും. രാവിലെ ഒമ്പത് മുതൽ ഉച്ചക്ക് ഒന്നു വരെ ഇടപാടുകൾ നടത്താം. എന്നാൽ, സിവിൽ െഎ.ഡി വിതരണം വൈകീട്ട് അഞ്ചു വരെ ഉണ്ടാവും.
അതോറിറ്റിയുടെ വെബ്സൈറ്റ് വഴി അപ്പോയിൻറ്മെൻറ് എടുത്തവർക്ക് മാത്രമാണ് പ്രവേശനം. നേരിട്ടുള്ള സന്ദർശനം അനുവദിക്കില്ല. ശനിയാഴ്ച മുതൽ അപ്പോയിൻറ്മെൻറ് എടുക്കാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.