കെ.െഎ.ജി അബ്ബാസിയ ഏരിയ സൗഹൃദ സംഗമത്തിൽ ശാന്തിഗിരി ആശ്രമം ഇൻ ചാർജ് സ്വാമി ചന്ദ്രദീപ്തൻ സംസാരിക്കുന്നു
കുവൈത്ത് സിറ്റി: 'ദൈവമൊന്ന് മാനവനൊന്ന്' തലക്കെട്ടിൽ നടക്കുന്ന കെ.െഎ.ജി കാമ്പയിനിെൻറ ഭാഗമായി അബ്ബാസിയ ഏരിയ സൗഹൃദ സംഗമം സംഘടിപ്പിച്ചു. ശാന്തിഗിരി ആശ്രമം ഇൻ ചാർജ് സ്വാമി ചന്ദ്രദീപ്തൻ മുഖ്യപ്രഭാഷണം നടത്തി. അഹന്ത വെടിഞ്ഞ് നല്ല മനുഷ്യനായി തീരാനുള്ള അന്വേഷണമാണ് നമ്മെ ദൈവത്തിലേക്ക് എത്തിക്കുകയെന്നും മതങ്ങളെല്ലാം അടിസ്ഥാനപരമായി ഏക മാനവികതയാണ് ഉയർത്തിപ്പിടിക്കുന്നതെന്നും അദ്ദേഹം പറഞ്ഞു.
'ദൈവമൊന്ന് മാനവനൊന്ന്' എന്ന ആശയം മനുഷ്യ സാഹോദര്യത്തിെൻറ ഏറ്റവും നല്ല ആശയമാണെന്നും ദൈവം മനുഷ്യരെ സൃഷ്ടിച്ചിട്ടുള്ളത് തുല്യരായാണെന്നും കെ.െഎ.ജി പ്രസിഡൻറ് ഫൈസൽ മഞ്ചേരി പറഞ്ഞു. താജുദ്ദീൻ മദീനി കാമ്പയിൻ സന്ദേശം വിശദമാക്കി. മനുഷ്യരെല്ലാം ഒരു ആണിൽനിന്നും പെണ്ണിൽ നിന്നുമാണെന്നും ദൈവത്തിെൻറ മുമ്പിൽ ശ്രേഷ്ഠൻ കൂടുതൽ ദൈവഭയമുള്ളവനാണെന്നും അദ്ദേഹം പറഞ്ഞു. അബ്ബാസിയ ഏരിയ പ്രസിഡൻറ് നൗഫൽ മുഹമ്മദ് യോഗം നിയന്ത്രിച്ചു. യൂസുഫ് സകരിയ സ്വഗതം പറഞ്ഞു. സൈബ സൈനബ് ഗാനം ആലപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.