കുവൈത്തിനെതിരെ വിജയം നേടിയ യു.എ.ഇയുടെ ആഹ്ലാദം
കുവൈത്ത് സിറ്റി: ഒമാനിൽ നടക്കുന്ന ജി.സി.സി വനിത ട്വന്റി20 ചാമ്പ്യൻഷിപ്പിൽ യു.എ.ഇക്കെതിരെ കാലിടറി കുവൈത്ത്. മസ്കത്തിലെ ആമിറാത്ത് ക്രിക്കറ്റ് മൈതാനത്ത് നടന്ന മത്സരത്തിൽ ശക്തരായ യു.എ.ഇക്കെതിരെ ഒമ്പത് വിക്കറ്റിനാണ് തോൽവി.
ടോസ് നേടി ബാറ്റിങ് തെരഞ്ഞെടുത്ത കുവൈത്തിന് യു.എ.ഇയുടെ ബൗളിങ് ആക്രമണത്തിനെതിരെ നിലയുറപ്പിക്കാൻ കഴിഞ്ഞില്ല. 12.5 ഓവറിൽ 26 റൺസിന് കുവൈത്ത് പുറത്തായി. സീഫ ജിലാനിയും ക്യാപ്റ്റൻ അംന താരിഖും തുടക്കത്തിൽ ചെറുത്തുനിൽപ്പ് നടത്തിയെങ്കിലും കുവൈത്തിന് മികച്ച കൂട്ടുകെട്ട് കെട്ടിപ്പടുക്കാനായില്ല.
മറുപടി ബാറ്റിങ്ങിൽ യു.എ.ഇ 3.5 ഓവറിൽ ഒരു വിക്കറ്റ് നഷ്ടത്തിൽ അനായാസം വിജയലക്ഷ്യത്തിലെത്തി. എട്ട് പന്തിൽ 13 റൺസ് നേടിയ ക്യാപ്റ്റൻ ഇഷ ഓസ ഇന്നിങ്സിനെ നയിച്ചു. തീർത്ഥ സതീഷ് പുറത്താകാതെ നിന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.