കുവൈത്ത് സിറ്റി: ആത്മഹത്യക്കു ശ്രമിച്ച സ്ത്രീയെ അഗ്നിശമനസേന ഇടപെട്ട് രക്ഷപ്പെടുത്തി. ബിനെയ്ദ് അൽ ഖർ പ്രദേശത്ത് ചൊവ്വാഴ്ച ഉച്ചയോടെയാണ് സംഭവം. ഒരു കെട്ടിടത്തിൽ സ്ത്രീ ആത്മഹത്യക്കു ശ്രമിച്ചതായി സെൻട്രൽ ഓപറേഷൻസ് ഡിപ്പാർട്മെന്റിന് വിവരം ലഭിക്കുകയായിരുന്നു എന്ന് ജനറൽ ഫയർഫോഴ്സിന്റെ പബ്ലിക് റിലേഷൻസ് ആൻഡ് മീഡിയ വിഭാഗം അറിയിച്ചു. അൽ ഹിലാലി, സെർച്ച് ആൻഡ് റെസ്ക്യൂ സെന്ററുകളിൽനിന്നുള്ള അഗ്നിശമന സേനയെ ഉടൻ സ്ഥലത്തേക്ക് അയച്ചു.
സംഘം എത്തിയപ്പോൾ മൂന്നാം നിലയിൽനിന്ന് ആത്മഹത്യ ചെയ്യാൻ ശ്രമിക്കുന്ന സ്ത്രീയുണ്ടെന്ന് കണ്ടെത്തി. ഉടൻതന്നെ ഫയർഫോഴ്സിന്റെ കൂറ്റൻ എയർബാഗുകൾ കെട്ടിടത്തിന് താഴെ സ്ഥാപിച്ച് മുകളിൽനിന്നു ചാടിയ യുവതിയെ പരിക്കേൽക്കാതെ രക്ഷിക്കുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.