കുവൈത്ത് സിറ്റി: കോവിഡ് ചികിത്സയുമായി ബന്ധപ്പെട്ട് രണ്ട് മരുന്നുകൾക്ക് കുവൈത്ത് ആരോഗ്യ മന്ത്രാലയത്തിലെ മരുന്ന് നിയന്ത്രണ വിഭാഗം അംഗീകാരം നൽകി. 12 വയസ്സിന് മുകളിലുള്ളവർക്ക് നൽകുന്ന Bamlanivimab, വെൻറിലേറ്ററിൽ കഴിയുന്ന മുതിർന്നവർക്കും രണ്ട് വയസ്സിന് മുകളിലുള്ളവർക്കും നൽകുന്ന Barcitinib എന്നീ മരുന്നുകൾക്കാണ് അധികൃതർ അംഗീകാരം നൽകിയത്. മരുന്നുനിയന്ത്രണ വിഭാഗം തലവൻ ഡോ. അബ്ദുല്ല അൽ ബദർ അറിയിച്ചതാണിത്. Bamlanivimab മരുന്ന് അംഗീകരിക്കുന്ന മൂന്നാമത് രാജ്യമാണ് കുവൈത്ത്. അമേരിക്ക, കാനഡ എന്നിവയാണ് മറ്റു രാജ്യങ്ങൾ. യു.എസ് ഫുഡ് ആൻഡ് ഡ്രഗ് അഡ്മിനിസ്ട്രേഷെൻറ അംഗീകാരമുള്ള Barcitinib അംഗീകരിക്കുന്ന ആദ്യ രാജ്യങ്ങളിലൊന്നാണ് കുവൈത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.