കുവൈത്ത് സിറ്റി: കോവിഡ് കാല സേവനത്തിനായി കുവൈത്ത് നാഷനൽ ഗാർഡിൽനിന്ന് വിരമിച്ചവരെ ഉപയോഗപ്പെടുത്തും. തിരിച്ചുവിളിക്കേണ്ടവരുടെ പട്ടിക നാഷനൽ ഗാർഡ് തയാറാക്കിയിട്ടുണ്ട്. മുൻകാലത്ത് മികച്ച സേവനം നൽകിയവരെയും അനുഭവസമ്പന്നരെയും ഉൾപ്പെടുത്തിയാണ് പട്ടിക തയാറാക്കിയത്. കോവിഡ് പ്രതിരോധത്തിൽ മറ്റു വകുപ്പുകളെ പോലെ സ്തുത്യർഹമായ സേവനമാണ് നാഷനൽ ഗാർഡ് നിർവഹിച്ചുവരുന്നത്.
ഫീൽഡ് ആശുപത്രി നിർമാണത്തിലും കർഫ്യൂ സമയങ്ങളിലെ നിരീക്ഷണത്തിലും ലോക്ഡൗണുള്ള പ്രദേശങ്ങളുടെ പ്രവേശകവാടങ്ങളിലും അവർ കർമനിരതരാണ്. പുതുതായി ചുമതലയേൽപിക്കുന്നവരെ മെഡിക്കൽ പരിശോധനക്ക് വിധേയമാക്കുകയും ഹ്രസ്വകാല പ്രത്യേക പരിശീലനം നൽകുകയും ചെയ്യുമെന്ന് കെ.എൻ.ജി അസോസിയേറ്റ് ഫോർ റിസോഴ്സ് മാനേജ്മെൻറ് ബ്രിഗേഡിയർ റിയാദ് മുഹമ്മദ് തവാരി പറഞ്ഞു. കോവിഡ് മഹാമാരിയുടെ പശ്ചാത്തലത്തിൽ രോഗം ബാധിക്കാൻ സാധ്യതയുണ്ടായിട്ടും രാഷ്ട്രത്തിനായി സേവനം ചെയ്യാൻ സന്നദ്ധമായ മുൻ ജീവനക്കാരെ അദ്ദേഹം നന്ദി അറിയിച്ചു. രാഷ്ട്രത്തിനായി സേവനം ചെയ്യാനും മുൻകാല സഹപ്രവർത്തകരുമായി ചേരാനും അവസരം നൽകിയതിൽ സന്തോഷം പ്രകടിപ്പിച്ച് നിരവധി മുൻ നാഷനൽ ഗാർഡ് അംഗങ്ങൾ രംഗത്തെത്തിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.