കുവൈത്ത് സിറ്റി: കുവൈത്തിൽ പുതിയ കോവിഡ് കേസുകളുടെ എണ്ണത്തിൽ ഗണ്യമായ കുറവ്. 322 പുതിയ കേസുകൾ മാത്രമാണ് ഞായറാഴ്ച റിപ്പോർട്ട് ചെയ്തത്. മാസങ്ങൾക്ക് ശേഷമാണ് ഇത്രയും കുറവ് രേഖപ്പെടുത്തുന്നത്. 618 പേർ രോഗമുക്തി നേടി. ഇതോടെ ഇനി ചികിത്സയിലുള്ളവരുടെ എണ്ണം 7012 ആയി ചുരുങ്ങി. ഇതുവരെ 140,056 പേർക്കാണ് വൈറസ് ബാധിച്ചത്. 131,560 പേർ രോഗമുക്തി നേടി. മൂന്നുപേർ കൂടി മരിച്ചതോടെ രാജ്യത്തെ കോവിഡ് മരണം 866 ആയി. ബാക്കി 7012 പേരാണ് ചികിത്സയിലുള്ളത്. 86 പേർ തീവ്രപരിചരണ വിഭാഗത്തിലാണ്.
4099 പേർക്കാണ് പുതുതായി കോവിഡ് പരിശോധന നടത്തിയത്. ആകെ 10,52,001 പേർക്കാണ് കുവൈത്തിൽ ഇതുവരെ കോവിഡ് പരിശോധന നടത്തിയത്. ദിവസങ്ങളായി പുതിയ കേസുകളേക്കാൾ കൂടുതലാണ് രോഗമുക്തി. അതുകൊണ്ടുതന്നെ ആകെ കോവിഡ് ചികിത്സയിലുള്ളവരുടെ എണ്ണം ക്രമേണ കുറഞ്ഞുവരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.