കുവൈത്ത് സിറ്റി: പൊതുശുചിത്വ തൊഴില് വകുപ്പിെൻറ നേതൃത്വത്തില് കാപ്പിറ്റല് ഗവര്ണറേറ്റ് കേന്ദ്രീകരിച്ചു പരിശോധന നടത്തി. മുബാറകിയ, ഖിബ്ല, സാലിഹിയ, ശുവൈഖ് വ്യവസായ മേഖല, അല് റായി ഭാഗങ്ങള് കേന്ദ്രീകരിച്ചായിരുന്നു പരിശോധന. ഒഴിവാക്കപ്പെട്ട 32 വാഹനങ്ങള് കണ്ടുകെട്ടി.
പൊതുശുചിത്വവുമായി ബന്ധപ്പെട്ട 54 പിഴകള് ചുമത്തിയിട്ടുണ്ട്. രാജ്യത്തെ വൃത്തിസംരക്ഷിക്കുക, പൊതുയിടങ്ങളില്നിന്ന് മാലിന്യം നീക്കം ചെയ്യുക എന്നതാണ് പരിശോധനകൊണ്ട് ലക്ഷ്യം വെക്കുന്നതെന്നു വകുപ്പ് മേധാവി മിശ്അല് അല് ആസ്മി വ്യക്തമാക്കി. ഈ ഭാഗങ്ങളില് നിർത്തിയിട്ട 600 കാറുകള്ക്കുമേല് സ്റ്റിക്കര് പതിച്ചു. നിശ്ചിത സമയപരിധിക്കകം രേഖകൾ സമർപ്പിച്ച് സ്വന്തമാക്കിയില്ലെങ്കിൽ വാഹനങ്ങൾ കണ്ടുകെട്ടുമെന്ന് പരിശോധന സംഘം തലവന് സലാഹ് അല് ഫര്ഹാന് വ്യക്തമാക്കി. പൊതുസ്ഥലങ്ങളില് മാലിന്യം നിക്ഷേപക്കുന്നവെര സംഘം നിരീക്ഷിച്ചുവരുന്നുണ്ടെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.