കുവൈത്ത് സിറ്റി: മോശം കാലാവസ്ഥയെ തുടർന്ന് സർക്കാർ വകുപ്പുകൾക്കെല്ലാം അവധി പ്രഖ്യാപിച്ചപ്പോൾ രണ്ടു കൂട്ടം യൂനിഫോമുമായാണ് ആരോഗ്യമന്ത്രാലയം ജീവനക്കാർ ബുധനാഴ്ച ജോലിക്കെത്തിയത്. അടിയന്തര ഘട്ടത്തിൽ 72 മണിക്കൂർ വരെ തുടർച്ചയായി ജോലിചെയ്യാൻ സന്നദ്ധമായി എത്താനായിരുന്നു നഴ്സുമാർ ഉൾപ്പെടെ ആരോഗ്യ മന്ത്രാലയം ജീവനക്കാർക്ക് ബുധനാഴ്ച വൈകീട്ട് അറിയിപ്പ് ലഭിച്ചത്. എന്നാൽ, പറയത്തക്ക പ്രശ്നങ്ങളൊന്നും ഉണ്ടായില്ല. ആരോഗ്യമന്ത്രി ഡോ. ബാസിൽ അസ്സബാഹ് വിവിധ ആശുപത്രികൾ സന്ദർശിച്ച് ഒരുക്കങ്ങൾ വിലയിരുത്തി. കഴിഞ്ഞയാഴ്ച വെള്ളപ്പൊക്കം ഉണ്ടായപ്പോഴും ശ്രദ്ധേയമായ സേവനമാണ് ആരോഗ്യ വകുപ്പ് കാഴ്ചവെച്ചത്. 10,000ത്തിലേറെ കേസുകളാണ് ഒറ്റദിവസം കൈകാര്യം ചെയ്തത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.