കുവൈത്ത് സിറ്റി: ഖത്തറിലെ ദോഹയിൽ നടക്കുന്ന 14ാമത് അറബ് ഷൂട്ടിങ് ചാമ്പ്യൻഷിപ്പിൽ കുവൈത്ത് എട്ടു മെഡലുകൾ കൂടി സ്വന്തമാക്കി. 10 അറബ് രാജ്യങ്ങളിൽനിന്നായി 200ലേറെ ഷൂട്ടർമാർ പെങ്കടുക്കുന്നു. പുരുഷന്മാരുടെ ട്രാപ് ഇനത്തിൽ കുവൈത്തിെൻറ യൂസുഫ് അൽ മുതൈരി സ്വർണം നേടി.
ഇതേയിനത്തിൽ കുവൈത്തിെൻറ ബദർ അൽ അദ്വാനി വെങ്കലവും നേടി. ടീം ഇനത്തിലും കുവൈത്തിനാണ് സ്വർണം. യൂസുഫ് അൽ മുതൈരി, ബദർ അൽ അദ്വാനി, യൂസുഫ് അൽ റഷീദി എന്നിവരാണ് സ്വർണം നേടിയത്. ജൂനിയർ വനിതകളുടെ 10 മീറ്റർ റൈഫിൾ യാര അൽ ഖലഫ് (സ്വർണം), സീനിയർ വനിതകളുടെ 10 മീറ്റർ റൈഫിൾ ടീം ഇനം (സ്വർണം), ട്രാപ് മിക്സഡ് ടീം ഇനം (വെള്ളി) ജൂനിയർ പുരുഷന്മാരുടെ 10 മീറ്റർ റൈഫിൾ (വെള്ളി), 25 മീറ്റർ സ്റ്റാൻഡേർഡ് പിസ്റ്റൾ ടീം ഇനം (വെങ്കലം) എന്നീ മെഡലുകൾ കൂടിയാണ് കുവൈത്ത് സ്വന്തമാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.