കുവൈത്ത് സിറ്റി: 2020 ജനുവരി ഒന്നിനോ അതിന് മുേമ്പാ ഇഖാമ കാലാവധി കഴിഞ്ഞവർക്ക് പിഴയടച്ച് വിസ സ്റ്റാറ്റസ് നിയമവിധേയമാക്കാൻ ഒരുമാസത്തെ അവസരം നൽകിയത് ഉപയോഗപ്പെടുത്താൻ ആഭ്യന്തര മന്ത്രാലയത്തിെൻറ വെബ്സൈറ്റ് വഴി അപ്പോയിൻറമെൻറ് എടുക്കാം. http://www.moi.gov.kw/.../residence/illegals-appointments എന്ന ലിങ്ക് വഴി അപ്പോയിൻറ്മെൻറ് എടുത്ത് ലഭിക്കുന്ന തീയതിയിൽ താമസകാര്യ വകുപ്പ് ഒാഫിസിലെത്തി നടപടിക്രമങ്ങൾ പൂർത്തിയാക്കാം. ഒരു ദിവസം അവസരം പരമാവധി 2400 പേർക്ക് മാത്രമാണ്. ഒാരോ ഗവർണറേറ്റിലും 400 പേർ വീതം എന്ന നിലയിലാണ് അനുമതി നൽകുക. കോവിഡ് പശ്ചാത്തലത്തിൽ തിരക്ക് ഒഴിവാക്കാനാണ് അപ്പോയിൻറ്മെൻറ് സംവിധാനം നടപ്പാക്കുന്നത്.
ഡിസംബർ ഒന്നുമുതൽ 31 വരെ കാലയളവിലാണ് പിഴയടച്ച് ഇഖാമ നിയമവിധേയമാക്കാൻ അവസരമുള്ളത്. ഇൗ അവസരം ഉപയോഗിച്ചില്ലെങ്കിൽ പിന്നീട് നാടുവിടുകയല്ലാതെ വഴിയില്ല. 2020 ജനുവരി ഒന്നിന് മുമ്പ് ഇഖാമ കാലാവധി കഴിഞ്ഞവർക്ക് മാത്രമാണ് ഇൗ അവസരം പ്രയോജനപ്പെടുത്താനാവുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.