പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ് അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹിന് രാജി സമർപ്പിക്കുന്നു
കുവൈത്ത് സിറ്റി: പുതിയ പാർലമെൻറ് അംഗങ്ങൾ തെരഞ്ഞെടുക്കപ്പെട്ട സാഹചര്യത്തിൽ ശൈഖ് സബാഹ് ഖാലിദ് അൽ ഹമദ് അസ്സബാഹിെൻറ നേതൃത്വത്തിലുള്ള മന്ത്രിസഭ രാജിവെച്ചു. അമീർ ശൈഖ് നവാഫ് അൽ അഹ്മദ് അൽ ജാബിർ അസ്സബാഹ് രാജി സ്വീകരിച്ചു. പുതിയ മന്ത്രിസഭ നിലവിൽവരുന്നത് വരെ കെയർ ടേക്കർ ആയി തുടരാൻ ശൈഖ് സബാഹ് ഖാലിദ് അസ്സബാഹിെൻറ നേതൃത്വത്തിലുള്ള മന്ത്രിസഭയെ അമീർ ചുമതലപ്പെടുത്തി.
പുതിയ പ്രധാനമന്ത്രിയെ അമീർ ചുമതലപ്പെടുത്തും. ശൈഖ് സബാഹ് ഖാലിദ് അസ്സബാഹിനെ തന്നെ വീണ്ടും പ്രധാനമന്ത്രിയാക്കുമെന്നും അദ്ദേഹത്തിെൻറ നേതൃത്വത്തിലുള്ള പുതിയ മന്ത്രിസഭയിൽ നിലവിലെ മന്ത്രിമാരിൽ വലിയൊരു വിഭാഗം വീണ്ടും നിയമിക്കപ്പെടുമെന്നും വിലയിരുത്തലുണ്ട്. നിലവിലെ മന്ത്രിസഭയുടെ പ്രവർത്തനത്തിൽ പൊതുവെ തൃപ്തിയാണുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.