കുവൈത്ത് സിറ്റി: കുവൈത്ത് അന്താരാഷ്ട്ര വിമാനത്താവളത്തിൽ പെരുന്നാൾ അവധി കഴിഞ്ഞ് തിരിച്ചെത്തുന്നവരുടെ തിരക്ക്. വെള്ളി, ശനി, ഞായർ, തിങ്കൾ ദിവസങ്ങളിലായിരുന്നു കുവൈത്തിൽ ഇൗദുൽ ഫിത്റിനോടനുബന്ധിച്ച് ഒൗദ്യോഗിക അവധി. ഹ്രസ്വകാല അവധിക്ക് പോയവരിൽ ഭൂരിഭാഗവും തിങ്കളാഴ്ച തിരിച്ചെത്തി. ബാക്കിയുള്ളവർ വരുംദിവസങ്ങളിൽ എത്തിയേക്കും.
256,000 പേരാണ് പെരുന്നാൾ അവധിക്ക് കുവൈത്ത് വിമാനത്താവളം വഴി യാത്ര ചെയ്തത്. 1700 വിമാന ഷെഡ്യൂളുകൾ നടത്തിയതായി സിവിൽ ഏവിയേഷൻ വകുപ്പ് മേധാവി യൂസുഫ് അൽ ഫൗസാൻ പറഞ്ഞു. ചൊവ്വാഴ്ച മുതൽ സർക്കാർ ഒാഫിസുകൾ പ്രവർത്തിക്കും. അവധിയാഘോഷത്തിന് പോയ സ്വദേശികൾ നിശ്ചിത അവധി ദിവസത്തിന് പുറമെ കൂടുതൽ ദിവസം എടുക്കുന്നതാണ് പതിവ്. സ്വകാര്യ സ്ഥാപനങ്ങൾ തിങ്കളാഴ്ച പ്രവർത്തിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.