കുവൈത്ത് സിറ്റി: കുവൈത്തിൽ 844 പേർക്ക് കൂടി കോവിഡ് സ്ഥിരീകരിച്ചു. ഇതുവരെ 112,737 പേർക്കാണ് വൈറസ് ബാധിച്ചത്. ചൊവ്വാഴ്ച 706 പേർ ഉൾപ്പെടെ 104,508 പേർ രോഗമുക്തി നേടി. എട്ടുപേർ കൂടി മരിച്ചതോടെ രാജ്യത്തെ കോവിഡ് മരണം 672 ആയി. ബാക്കി 7557 പേരാണ് ചികിത്സയിലുള്ളത്. 143 പേർ തീവ്രപരിചരണ വിഭാഗത്തിലാണ്. 8055 പേർക്കാണ് പുതുതായി കോവിഡ് പരിശോധന നടത്തിയത്.
പുതിയ കേസുകളുടെ എണ്ണത്തിലും മരണ നിരക്കിലും തീവ്രപരിചരണ വിഭാഗത്തിലുള്ളവരുടെ എണ്ണത്തിലും രണ്ടുമാസത്തിലെ കൂടിയ നിലയാണ് ചൊവ്വാഴ്ച രേഖപ്പെടുത്തിയത്. കോവിഡ് വ്യാപനം വീണ്ടും വർധിക്കുന്നുവെന്ന സൂചനയാണ് ഇത് നൽകുന്നത്. പുതിയ കേസുകളിൽ ഭൂരിഭാഗവും കുവൈത്തികളാണ്. തീവ്രപരിചരണ വിഭാഗത്തിലുള്ളവരിലും മരിക്കുന്നവരിലും 90 ശതമാനം സ്വദേശികൾ തന്നെയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.