കുവൈത്ത് സിറ്റി: കുവൈത്തിൽ വ്യാഴാഴ്ച 314 കോവിഡ് കേസുകൾ റിപ്പോർട്ട് ചെയ്തു. പ്രതിദിന കോവിഡ് കേസ് വീണ്ടും 300ന് മുകളിലേക്ക് കയറിയെങ്കിലും രോഗമുക്തി 500ന് മുകളിൽ തുടരുന്നതിനാൽ ആകെ ചികിത്സയിലുള്ളവരുടെ എണ്ണം കുറഞ്ഞു.ഇതുവരെ 143,574 പേർക്കാണ് വൈറസ് ബാധിച്ചത്. വ്യാഴാഴ്ച 540 പേർ ഉൾപ്പെടെ 138,674 പേർ രോഗമുക്തി നേടി. രണ്ടുപേർ കൂടി മരിച്ചതോടെ രാജ്യത്തെ കോവിഡ് മരണം 884 ആയി. ബാക്കി 4016 പേരാണ് ചികിത്സയിലുള്ളത്.
84 പേർ തീവ്രപരിചരണ വിഭാഗത്തിലാണ്. തീവ്രപരിചരണത്തിൽ അഞ്ചുപേർ കൂടി. 11,039 പേർക്കാണ് പുതുതായി കോവിഡ് പരിശോധന നടത്തിയത്. രണ്ടുമാസത്തിനിടെ ഇത്രയും പേർക്ക് കോവിഡ് പരിശോധന നടത്തുന്നത് ആദ്യമായാണ്. ആകെ 11,18,620 പേർക്കാണ് കുവൈത്തിൽ ഇതുവരെ കോവിഡ് പരിശോധന നടത്തിയത്. പുതിയ കേസുകളുടെയും മരണങ്ങളുടെയും തീവ്രപരിചരണ വിഭാഗത്തിലുള്ളവരുടെയും എണ്ണം കുറഞ്ഞുവരുന്നത് രാജ്യത്ത് കോവിഡ് നിയന്ത്രണ വിധേയമാവുന്നതിെൻറ ലക്ഷണമായി വിലയിരുത്തുന്നുണ്ട്. പ്രതിദിന കോവിഡ് പരിശോധനയുടെ ചെറിയ ശതമാനം മാത്രമാണ് പോസിറ്റീവ് കാണുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.