അറസ്റ്റിലായവരിൽ മൂന്നുപേരും പിടിച്ചെടുത്ത വസ്തുക്കളും
കുവൈത്ത് സിറ്റി: ലഹരി പ്രതിരോധത്തിന്റെ ഭാഗമായി രാജ്യത്തിന്റെ വിവിധ ഭാഗങ്ങളിൽ നടത്തിയ തീവ്ര സുരക്ഷാ പരിശോധനയിൽ 31 പേർ അറസ്റ്റിൽ. വൻ തോതിൽ ലഹരിവസ്തുക്കൾ പിടിച്ചെടുത്തു. വിവിധ കേസുകളിലായാണ് അറസ്റ്റ്.
പിടിച്ചെടുത്ത വസ്തുക്കളിൽ ഏകദേശം 7,100 കിലോ ഹാഷിഷ്, 5,350 കിലോ ഷാബു, 3,800 കിലോ കഞ്ചാവ്, 2,100 കിലോ ഹെറോയിൻ, 750 ഗ്രാം രാസവസ്തുക്കൾ, 273 ഗ്രാം കൊക്കെയ്ൻ, 250 ലിറിക്ക പൗഡർ, 500 മില്ലി കെമിക്കൽ ഓയിൽ, 25,000 ലിറിക്ക കാപ്സ്യൂളുകൾ, 2,000 സൈക്കോട്രോപിക് ഗുളികകൾ, എട്ടു തോക്കുകൾ, വെടിയുണ്ടകൾ എന്നിവ ഉൾപ്പെടുന്നതായി ആഭ്യന്തര മന്ത്രാലയം അറിയിച്ചു.
പ്രതികളെയും പിടിച്ചെടുത്ത വസ്തുക്കളെയും ആവശ്യമായ നിയമ നടപടികൾ സ്വീകരിക്കുന്നതിനായി പ്രോസിക്യൂഷന് കൈമാറി. മയക്കുമരുന്ന് കടത്ത്, വിൽപ്പന, ഉപയോഗം എന്നിവ കർശനമായി നേരിടുമെന്ന് ആഭ്യന്തര മന്ത്രാലയം വ്യക്തമാക്കി. മയക്കുമരുന്ന് വസ്തുക്കൾ പ്രോത്സാഹിപ്പിക്കുകയോ രാജ്യത്ത് എത്തിക്കുകയോ ചെയ്യുന്നവരെ പിടികൂടാൻ സുരക്ഷാപരിശോധന തുടരുമെന്നും വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.