കുവൈത്ത് സിറ്റി: വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കുവൈത്ത്) 13ാമത് വാർഷികാഘോഷം ‘വിശ്വകല -2017’ അബ്ബാസിയ ഓർമ പ്ലാസ ഓഡിറ്റോറിയത്തിൽ സംഘടിപ്പിച്ചു.
സാംസ്കാരിക സമ്മേളനം ബ്ലഡ് ഡോണേഴ്സ് കേരള കുവൈത്ത് രക്ഷാധികാരി മനോജ് മാവേലിക്കര ഭദ്രദീപം കൊളുത്തി ഉദ്ഘാടനം ചെയ്തു. വോയ്സ് കുവൈത്ത് പ്രസിഡൻറ് പി.ജി. ബിനു അധ്യക്ഷത വഹിച്ചു. സണ്ണി മണർകാട്ട്, സക്കീർ പുത്തൻപാലത്ത്, ബാലുചന്ദ്രൻ, വോയ്സ് വനിതവേദി പ്രസിഡൻറ് സരിത രാജൻ, ഉപദേശക സമിതി ചെയർമാൻ കെ. ചന്ദ്രമോഹനൻ, ഓർഗനൈസിങ് സെക്രട്ടറി പി. ചന്ദ്രശേഖരൻ എന്നിവർ സംസാരിച്ചു. പി.ജി. ബിനു, സരിത രാജൻ എന്നിവരെ ആദരിച്ചു. അംഗങ്ങളുടെ മക്കളിൽ ഉന്നത വിജയം നേടിയവർക്ക് ഉപഹാരങ്ങൾ നൽകി. തുടർന്ന് ശ്രുതിലയം, നൃത്തം, സിനിമാറ്റിക് ഡാൻസ്, കവിതാലാപനം, ഗാനമേള തുടങ്ങിയ കലാപരിപാടികൾ അരങ്ങേറി.
സുശാന്ത് സുകുമാരൻ, ഷഹാന ഷെറിൻ എന്നിവർ അവതാരകരായി. പ്രോഗ്രാം ജനറൽ കൺവീനർ എം.ജി. റെജിമോൻ സ്വാഗതവും ട്രഷറർ കേളോത്ത് വിജയൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.