കുവൈത്ത് സിറ്റി: ഈദുല് ഫിത്ര് പൊതുഅവധിയുമായി ബന്ധപ്പെട്ട് സിവില് സര്വിസ് കമീഷന് വിജ്ഞാപനം പുറത്തിറക്കി. ഇതനുസരിച്ച് രാജ്യത്തെ എല്ലാ സര്ക്കാര്, അര്ധ സര്ക്കാര് സ്ഥാപനങ്ങള്ക്കും ഈദുല് ഫിത്ര് പ്രമാണിച്ച് ജൂലൈ അഞ്ച് ചൊവ്വാഴ്ച മുതല് ജൂലൈ ഒമ്പത് ശനിയാഴ്ച വരെ അഞ്ചുദിവസം പൊതു അവധിയായിരിക്കും. ഇതുപ്രകാരം ജൂലൈ നാലിന് തിങ്കളാഴ്ച അടക്കുന്ന സര്ക്കാര് സ്ഥാപനങ്ങളും ഓഫിസുകളും അവധി കഴിഞ്ഞ് ജൂലൈ 10 ഞായറാഴ്ചയായിരിക്കും തുറന്ന് പ്രവര്ത്തിക്കുക. ജൂലൈ അഞ്ചിന് ചൊവ്വാഴ്ച ഈദുല് ഫിത്ര് ആവുകയാണെങ്കില് അന്നുമുതല് വെള്ളിയാഴ്ചവരെ പെരുന്നാള് അവധിയായും ശനിയാഴ്ച വിശ്രമദിനവുമായിട്ടായിരിക്കും പരിഗണിക്കുക.
ബുധനാഴ്ചയാണ് ഈദുല് ഫിത്ര് ആവുന്നതെങ്കില് ചൊവ്വാഴ്ച വിശ്രമദിനമായിട്ടും ബാക്കിയുള്ള ദിനങ്ങള് അവധിയായും പരിഗണിക്കും. സിവില് സര്വിസ് കമീഷന്െറ നിര്ദേശം മന്ത്രിസഭ അംഗീകരിച്ചാല് മാത്രമേ അവധി പ്രാബല്യത്തില് വരൂ. കമീഷന് നിര്ദേശത്തില്നിന്ന് വ്യത്യസ്തമായും മന്ത്രിസഭ അവധി പ്രഖ്യാപിക്കാറുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.