കുവൈത്ത് സിറ്റി: കുവൈത്തിൽ 61 ഇന്ത്യക്കാർ ഉൾപ്പെടെ 151 പേർക്ക് കൂടി കോവിഡ് സ്ഥിരീകരിച്ചു. 41കാരനായ സ്വദേശി ക ോവിഡ് ബാധിച്ച് മരിച്ചു. ഇതോടെ മരണം 14 ആയി. ഇതുവരെ കുവൈത്തിൽ കോവിഡ് സ്ഥിരീകരിച്ചത് 2399 പേർക്കാണ്.
55 പേരട ക്കം 498 പേർ രോഗമുക്തി നേടി. ബാക്കി 1887 പേരാണ് ചികിത്സയിലുള്ളത്. 55 പേർ തീവ്രപരിചരണ വിഭാഗത്തിലാണ്. ഇതിൽ 22 പേരുടെ നില ഗുരുതരമാണ്. ബ്രിട്ടനിൽനിന്ന് വന്ന ഒമ്പത് കുവൈത്തികൾ, യു.എ.ഇയിൽ നിന്ന് വന്ന കുവൈത്തി, തുർക്കിയിൽ നിന്ന് വന്ന കുവൈത്തി, ഇൗജിപ്തിൽനിന്ന് വന്ന കുവൈത്തി എന്നിവർക്ക് വൈറസ് സ്ഥിരീകരിച്ചു.
60 ഇന്ത്യക്കാർ, അഞ്ച് കുവൈത്തികൾ, 25 ബംഗ്ലാദേശികൾ, 13 ഇൗജിപ്തുകാർ, 11 ഇറാൻ പൗരന്മാർ, മൂന്ന് ലബനാൻ പൗരന്മാർ, ജോർഡൻ, ശ്രീലങ്ക, പാകിസ്താൻ, ഫിലിപ്പീൻസ്, നേപ്പാൾ എന്നീ രാജ്യങ്ങളിൽ നിന്നുള്ള രണ്ടുപേർ, രണ്ട് ബിദൂനികൾ, ഉസ്ബൈകിസ്ഥാൻ, അഫ്ഗാനിസ്ഥാൻ, സിറിയ എന്നിവിടങ്ങളിലെ ഒാരോരുത്തർ എന്നിവർക്ക് നേരത്തെ കോവിഡ് സ്ഥിരീകരിച്ചവരുമായുള്ള സമ്പർക്കത്തിലൂടെയാണ് വൈറസ് ബാധിച്ചത്.
രണ്ട് കുവൈത്തികൾ, രണ്ട് ഇൗജിപ്തുകാർ, ഒരു ഇന്ത്യക്കാരൻ, ഒരു ബംഗ്ലാദേശി, ഒരു ബിദൂനി എന്നിവർക്ക് വൈറസ് ബാധിച്ച വഴി കണ്ടെത്തിയിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.