മി​ഡി​ലീ​സ്റ്റി​ൽ ന​ട​ക്കു​ന്ന സം​ഘ​ർ​ഷ​ങ്ങ​ൾ ല​ഘൂ​ക​രി​ക്കാ​നു​ള്ള ശ്ര​മം; പു​ടി​ന് ന​ന്ദി അ​റി​യി​ച്ച് ശൈ​ഖ് നാ​സ​ർ

മ​നാ​മ: മി​ഡി​ലീ​സ്റ്റി​ൽ ന​ട​ക്കു​ന്ന സം​ഘ​ർ​ഷ​ങ്ങ​ൾ ല​ഘൂ​ക​രി​ക്കാ​ൻ റ​ഷ്യ​ൻ പ്ര​സി​ഡ​ന്‍റ് വ്ലാ​ദി​മി​ർ പു​ടി​ൻ ന​ട​ത്തു​ന്ന ശ്ര​മ​ങ്ങ​ൾ​ക്ക് ന​ന്ദി അ​റി​യി​ച്ച് മാ​നു​ഷി​ക കാ​ര്യ​ങ്ങ​ൾ​ക്കും യു​വ​ജ​ന​കാ​ര്യ​ങ്ങ​ൾ​ക്കു​മു​ള്ള ഹ​മ​ദ് രാ​ജാ​വി​ന്റെ പ്ര​തി​നി​ധി ശൈ​ഖ് നാ​സർ ബി​ൻ ഹ​മ​ദ് ആ​ൽ ഖ​ലീ​ഫ.

2025ലെ ​സെ​ന്റ് പീ​റ്റേ​ഴ്‌​സ്ബ​ർ​ഗ് ഇ​ന്റ​ർ​നാ​ഷ​ന​ൽ ഇ​ക്ക​ണോ​മി​ക് ഫോ​റ​ത്തി​ന്റെ ഭാ​ഗ​മാ​യി റ​ഷ്യ​യി​ലെ​ത്തി‍യ​താ​യി​രു​ന്നു ശൈ​ഖ് നാ​സി​ർ. ഫോ​റ​ത്തി​ൽ പ​ങ്കെ​ടു​ക്ക​വെ​യാ​ണ് ഇ​രു​വ​രും കൂ​ടി​ക്കാ​ഴ്ച ന​ട​ത്തി​യ​ത്. പു​ടി​നാ​യു​ള്ള ഹ​മ​ദ് രാ​ജാ​വി​ന്‍റെ ആ​ശം​സ​ക​ൾ അ​റി​യി​ച്ച ശൈ​ഖ് നാ​സ​ർ ബ​ഹ്‌​റൈ​നും റ​ഷ്യ​യും ത​മ്മി​ലു​ള്ള ശ​ക്ത​വും വ​ള​ർ​ന്നു​വ​രു​ന്ന​തു​മാ​യ പ​ങ്കാ​ളി​ത്ത​ത്തെ​ക്കു​റി​ച്ചും പ​റ​ഞ്ഞു. ത​ന്ത്ര​പ​ര​വും സാം​സ്കാ​രി​ക​വു​മാ​യ മേ​ഖ​ല​ക​ളി​ൽ ഉ​ഭ​യ​ക​ക്ഷി സ​ഹ​ക​ര​ണം വി​ക​സി​ച്ചു​കൊ​ണ്ടി​രി​ക്കു​ന്ന​താ​യും അ​ദ്ദേ​ഹം വ്യ​ക്ത​മാ​ക്കി. അ​ന്താ​രാ​ഷ്ട്ര സം​ഭാ​ഷ​ണം, സാ​മ്പ​ത്തി​ക വി​നി​മ​യം, ആ​ഗോ​ള സ​ഹ​ക​ര​ണം എ​ന്നി​വ​ക്കു​ള്ള ഒ​രു പ്ര​ധാ​ന വേ​ദി​യാ​യ ഫോ​റം ന​ട​ത്തു​ന്ന​തി​ലു​ള്ള റ​ഷ്യ​യു​ടെ ശ്ര​മ​ങ്ങ​ളെ അ​ദ്ദേ​ഹം പ്ര​ശം​സി​ക്കു​ക​യും ചെ​യ്തു.

ഇ​രു രാ​ജ്യ​ങ്ങ​ളും ത​മ്മി​ലു​ള്ള ബ​ന്ധ​ത്തി​ന്‍റെ പ്രാ​ധാ​ന്യം പു​ടി​നും വ്യ​ക്ത​മാ​ക്കി. വ്യാ​പാ​രം, സം​സ്കാ​രം, മാ​നു​ഷി​ക കാ​ര്യ​ങ്ങ​ൾ എ​ന്നി​വ​യി​ൽ പു​തി​യ സം​യു​ക്ത സം​രം​ഭ​ങ്ങ​ൾ​ക്ക് അ​ടി​ത്ത​റ പാ​കി​യ മു​ൻ കൂ​ടി​ക്കാ​ഴ്ച​യെ​ക്കു​റി​ച്ചും അ​ദ്ദേ​ഹം വാ​ചാ​ല​നാ​യി. ഫോ​റ​ത്തി​ലെ ബ​ഹ്‌​റൈ​ന്റെ പ​ങ്കാ​ളി​ത്ത​ത്തെ അ​ദ്ദേ​ഹം സ്വാ​ഗ​തം ചെ​യ്യു​ക​യും പ​രി​പാ​ടി​യി​ൽ പ​ങ്കെ​ടു​ത്ത​തി​ന് ശൈ​ഖ് നാ​സ​റി​ന് ന​ന്ദി പ​റ​യു​ക​യും ചെ​യ്തു. ഇ​രു രാ​ജ്യ​ങ്ങ​ളു​ടെ​യും പൊ​തു​വാ​യ താ​ൽ​പ​ര്യ​ങ്ങ​ളും നേ​ട്ട​ങ്ങ​ളും പി​ന്തു​ണ​ക്കു​ന്ന​തി​നാ​യി സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നു​ള്ള വ​ഴി​ക​ളും യോ​ഗം ച​ർ​ച്ച ചെ​യ്തു.