മനാമ: ‘ഗൾഫ്മാധ്യമം’ സംഘടിപ്പിക്കുന്ന ‘സിങ് ആൻഡ് വിൻ’ മത്സരത്തിന്റെ ഗ്രാൻഡ് ഫിനാലെ വെള്ളിയാഴ്ച വൈകീട്ട് മൂന്നിന് ലുലു ദാന മാളിൽ നടക്കും. ആദ്യ റൗണ്ടിൽ മത്സരിച്ച ആയിരത്തോളം മത്സരാർഥികളിൽനിന്ന് സീനിയർ, ജൂനിയർ വിഭാഗങ്ങളിലായി 60 പേരെ രണ്ടാം റൗണ്ടിലേക്ക് തിരഞ്ഞെടുത്തിരുന്നു.
ഇവരിൽനിന്ന് ഷോർട്ട്ലിസ്റ്റ് ചെയ്യപ്പെട്ട 20 മത്സരാർഥികളാണ് ഗ്രാൻഡ് ഫിനാലെയിൽ മത്സരിക്കുന്നത്. പ്രശസ്ത വിധികർത്താക്കളാണ് ഫൈനലിലെ വിജയികളെ നിർണയിക്കുക. വിജയികൾക്ക് ആകർഷകമായ സമ്മാനങ്ങൾ ലഭിക്കും.
ജൂൺ 30ന് വൈകീട്ട് ആറിന് ‘ഗൾഫ്മാധ്യമം ക്രൗൺ പ്ലാസയിലൊരുക്കുന്ന ‘ബഹ്റൈൻ ബീറ്റ്സ്’ പരിപാടിയിൽ ഇഷ്ടതാരങ്ങൾക്കൊപ്പം സ്റ്റേജിൽ ഗാനമാലപിക്കാനുള്ള അവസരവുമുണ്ടായിരിക്കും. ‘ബഹ്റൈൻ ബീറ്റ്സ്’ ടിക്കറ്റുകൾ മത്സരവേദിയിൽനിന്ന് വാങ്ങാവുന്നതാണ്. വനേസ്സ ഓൺലൈൻ പ്ലാറ്റ്ഫോമിലൂടെയും ടിക്കറ്റുകൾ ലഭ്യമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.