മനാമ: ബഹ്റൈൻ ഇന്ത്യൻ ഫുട്ബാൾ അസോസിയേഷന്റെ നേതൃത്വത്തിൽ അൽ അഹ്ലി ക്ലബിൽ നടന്ന ഫുട്ബാൾ ലീഗിൽ മറീന എഫ്.സി ചാമ്പ്യന്മാരായി. ഫൈനലിൽ ഷോ സ്റ്റോപ്പർ എഫ്.സിയെയാണ് തോൽപിച്ചത്.ഇരു ടീമുകളും കളിയുടെ നിശ്ചിത സമയത്ത് ഗോൾരഹിത സമനിലയിൽ പിരിഞ്ഞതിനാൽ, പെനാൽറ്റി ഷൂട്ടൗട്ടിലേക്ക് നീണ്ട മത്സരത്തിൽ മറീന 5-4ന് വിജയം നേടുകയായിരുന്നു.
ദിനേശ് എൻ.പി പ്രസിഡന്റും ശശി അക്കരാൽ വൈസ് പ്രസിഡന്റും ജെറി ജോയ് മാനേജറുമായ ടീമാണ് മറീന എഫ്.സി. ടൂർണമെന്റിൽ ഉടനീളം മികച്ച കളി കാഴ്ചവെച്ച മറീനയുടെ ഷെറിൻ മികച്ച കളിക്കാരനായും ഫൈനലിൽ ഒരു പെനാൽറ്റി സേവ് അടക്കം മികച്ച സേവുകൾ നടത്തിയ മറീനയുടെ ഗോൾകീപ്പർ മുഫസ്സിൽ ടൂർണമെന്റിലെ മികച്ച ഗോൾകീപ്പറായും ഷോ സ്റ്റോപ്പർ എഫ്.സിയുടെ പ്രതിരോധനിരയിലെ മിക്കി മികച്ച ഡിഫൻഡറായും യുവകേരളയുടെ ശിഹാബ് ടോപ് സ്കോററായും തിരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.