മനാമ: ബഹ്റൈൻ മലയാളിയും പ്രമുഖ നർത്തകിയും നടിയുമായ സ്നേഹ അജിത്തിെൻറ നേതൃത്വത്തിൽ മോഹിനിയാട്ട നൃത്തഭാഷ് യമായ‘മോക്ഷ’ തിരുവനന്തപുരത്ത് അവതരിപ്പിക്കുന്നു. ഡിസംബർ നാലിന് ഗണേശത്തിൽ അരങ്ങേറുന്ന ‘മോക്ഷ’, സൂര്യ കൃഷ്ണമ ൂർത്തിയുടെ സംഘാടനത്തിൽ സൂര്യ ഫെസ്റ്റിവലിെൻറ ഭാഗമായാണ് അവതരിപ്പിക്കപ്പെടുന്നത്. മോക്ഷ മാർഗം തേടിയുള്ള പാണ്ഡവരുടെ മഹാപ്രസ്ഥാനത്തിെൻറ പശ്ചാത്തലത്തിലാണ് ‘മോക്ഷ’യുടെ കഥ തുടങ്ങുന്നത്.
മഹാഭാരതകഥയുടെ വൈകാരിക മുഹൂർത്തങ്ങളെ അരങ്ങിൽ ഉജ്ജ്വലമാക്കുന്ന ഇൗ നടനാനുഭവത്തിനായുള്ള അണിയറ പ്രവർത്തനങ്ങൾ പുരോഗമിക്കുകയാണെന്ന് പ്രവർത്തകർ അറിയിച്ചു. ബഹ്റൈനിലും കേരളത്തിലും ശ്രദ്ധേയയായ ‘കമല’എന്ന നൃത്ത സംഗീത നാടകത്തിെൻറ വിജയത്തിനുശേഷമാണ് സ്നേഹയുടെ പുതിയ ദൗത്യം. ഭരതനാട്യം കുച്ചിപ്പുടി, കഥക് , മോഹിനിയാട്ടം എന്നീ നൃത്ത രൂപങ്ങളുടെ അവതരണങ്ങളിലൂടെ ശ്രദ്ധേയമായ സ്നേഹ അജിത്ത്, സുരേഷ് ഉണ്ണിത്താൻ സംവിധാനം ചെയ്യുന്ന ക്ഷണം എന്ന സിനിമയിൽ നായികയായി അഭിനയിക്കുകയുമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.