മനാമ: മയക്കുമരുന്ന് കടത്തുമായി ബന്ധപ്പെട്ട് രണ്ടുപേർ ബഹ്റൈൻ വിമാനത്താവളത് തിൽ അറസ്റ്റിലായി. 45കാരനായ ബഹ്റൈനിയുടെ അടിവസ്ത്രത്തിൽ നിന്ന് 1.2കിലോഗ്രാം മയക് കുമരുന്ന് കണ്ടെത്തിയതിനെ തുടർന്ന് ഇയാളെ കാത്തുനിന്ന മറ്റൊരാളും അന്വേഷണ ഉദ്യോഗസ്ഥരുടെ പിടിയിലായതായി പ്രാദേശിക ദിനപത്രം റിപ്പോർട്ട് ചെയ്തു. ഇറാൻ സന്ദർശിച്ച് മടങ്ങി എത്തിയ ആളുടെ അടിവസ്ത്രത്തിൽനിന്നാണ് തരികളുടെ രൂപത്തിലാക്കി സൂക്ഷിച്ച മയക്കുമരുന്ന് കണ്ടെത്തിയത്.
മുൻകൂർ വിവരത്തിെൻറ അടിസ്ഥാനത്തിലാണ് അധികൃതർ പരിശോധന നടത്തിയത്. വിമാനത്താവളത്തിൽ ഇദ്ദേഹത്തെ കാണാനെത്തിയ 39കാരനായ ബഹ്റൈനിയാണ് ഒപ്പം പിടിയിലായത്. ഇരുവരുടെയും വിചാരണ ഹൈ ക്രിമിനൽ കോടതിയിൽ ആരംഭിക്കുകയും ചെയ്തു. പ്രോസിക്യൂഷെൻറ മുന്നിൽ മയക്കുമരുന്ന് കടത്തിയയാൾ കുറ്റം സമ്മതിച്ചതായും റിപ്പോർട്ടിൽ പറയുന്നു. മയക്കുമരുന്നു കൊണ്ടുവരാൻ ഒരാൾ 500 ദിനാർ നൽകിയതായും ഇതിെൻറ അടിസ്ഥാനത്തിലാണ് വാങ്ങിക്കൊണ്ടുവന്നതെന്നും മൊഴിയിൽ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.