മനാമ: രാജ്യത്തേക്ക് പുതുതായി നിയോഗിക്കപ്പെട്ട അംബാസഡര്മാരില്നിന്ന് രാജാവ് ഹമ ദ് ബിന് ഈസ ആല് ഖലീഫ നിയമന രേഖകള് സ്വീകരിച്ചു. ഫ്രഞ്ച് അംബാസഡര് ജെറോം കോചാര്ഡ്, കുവൈത്ത് അംബാസഡര് ശൈഖ് ഥാമിര് ജാബിര് അല് അഹ്മദ് അസ്സബാഹ്, ഭൂട്ടാന് അംബാസഡര് ടെസറിങ് ജെല്ഷെന് ബെന്ജോര്, സൈപ്രസ് അംബാസഡര് ഹെൻറിക് ലാൻറര്ഹോം, ചെക് റിപ്പബ്ലിക് അംബാസഡര് യുവാരി കോഡില്ക എന്നിവരില്നിന്നുമാണ് നിയമന രേഖകള് സ്വീകരിച്ചത്.
പുതിയ അംബാസഡര്മാരെ ബഹ്റൈനിലേക്ക് സ്വാഗതം ചെയ്ത ഹമദ് രാജാവ് ഏല്പിക്കപ്പെട്ട ഉത്തരവാദിത്തം ഭംഗിയായി നിര്വഹിക്കാന് സാധിക്കട്ടെയെന്ന് ആശംസിച്ചു. ബഹ്റൈനും തങ്ങള് പ്രതിനിധാനം ചെയ്യുന്ന രാഷ്ട്രങ്ങളുമായി നയതന്ത്ര ബന്ധം മെച്ചപ്പെടുത്താനും വിവിധ മേഖലകളില് സഹകരണം വ്യാപിപ്പിക്കാനുമുള്ള ശ്രമങ്ങള് വിജയത്തിൽ എത്തട്ടെയെന്നും അദ്ദേഹം ആശംസിച്ചു. സഖീര് പാലസില് നടന്ന ചടങ്ങില് റോയല് കോര്ട്ട് കാര്യമന്ത്രി, വിദേശകാര്യ മന്ത്രി, റോയല് കോര്ട്ട് ഫോളോ അപ് കാര്യ മന്ത്രി, പ്രോട്ടോകോള് ഓഫിസര് എന്നിവര് സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.