മനാമ: ഇന്ത്യയിൽനിന്ന് ഒക്ടോബർ മാസത്തെ ബുക്കിങ് എയർ ഇന്ത്യ എക്സ്പ്രസ് തുടങ്ങി. ഒക്ടോബർ അഞ്ച് മുതൽ 21 വരെയുള്ള ബുക്കിങ്ങാണ് ആരംഭിച്ചിരിക്കുന്നത്. ബുക്കിങ് തുടങ്ങി വൈകാതെതന്നെ മിക്ക സർവീസുകൾക്കും സീറ്റ് തീർന്നു.
തിരുവനന്തപുരത്തുനിന്ന് ഒക്ടോബർ അഞ്ച്, 13 തീയതികളിലും കൊച്ചിയിൽനിന്ന് ആറ്, 19 തീയതികളിലും, കോഴിക്കോട് നിന്ന് ഏഴ്, 14 തീയതികളിലും കണ്ണൂരിൽനിന്ന് 21നുമാണ് സർവീസുള്ളത്. 13ന് മംഗലാപുരത്തുനിന്നും സർവീസുണ്ട്. കണ്ണൂരിൽനിന്ന് 39000 രൂപയാണ് ടിക്കറ്റ് നിരക്ക്.
ഇന്ത്യയും ബഹ്റൈനും തമ്മിൽ ഒപ്പുവെച്ച എയർ ബബ്ൾ പ്രകാരമാണ് ഇന്ത്യയിൽനിന്ന് സർവീസ് നടത്തുന്നത്. ഇതനുസരിച്ച് എയർ ഇന്ത്യ/എയർ ഇന്ത്യ എക്സ്പ്രസിനും ഗൾഫ് എയറിനും ആഴ്ചയിൽ 650 യാത്രക്കാരെ വീതം കൊണ്ടുവരാനാണ് അനുമതിയുള്ളത്. ദിവസവും ഒാരോ സർവീസാണ് നടത്താനാവുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.