മനാമ: ബഹ്റൈന് ഹിദ്ദിലെ താമസ സ്ഥലത്ത് പാചകം ചെയ്യുന്നതിനിടെ സ്റ്റൗ പൊട്ടിത്തെറിച്ചുണ്ടായ അപകടത്തെ തുടര്ന്ന് ആശുപത്രിയില് ചികിത്സയിലായിരുന്ന അല് അമീന് കാര്ഗോ ക്ളിയറന്സ് കമ്പനി എക്കൗണ്ടന്റ് തമിഴ്നാട് രാമനാട് തിരുപ്പാളൈക്കുടി സ്വദേശി ശിവനാഥന് കാര്മേഘം (43 ) മരിച്ചു.
അപകടത്തില് പരിക്കേറ്റ അതേ കമ്പനിയിലെ ഹെവിട്രക്ക് ഡ്രൈവര് പറവൂര് സ്വദേശി അംബുജാക്ഷന്(54) സല്മാനിയ ആശുപത്രിയില് കഴിയുകയാണ്. ഈ മാസം മൂന്നിനാണ് അപകടം സംഭവിച്ചത്.അംബുജാക്ഷന് പാചകം ചെയ്യുകയും ശിവനാഥന് അതിനു സമീപം നില്ക്കുകയുമായിരുന്നു.പെട്ടെന്ന് സിലിണ്ടറിലേക്ക് തീപടരുകയും പൊട്ടിത്തെറിക്കുകയും ചെയ്തു.ഗുരുതരമായ പൊള്ളലേറ്റ രണ്ടുപേരെയും ഉടന് ആശുപത്രി തീവ്രപരിചരണ വിഭാഗത്തില് പ്രവേശിപ്പിച്ചു. ഇന്നലെ രാവിലെയാണ് ശിവനാഥന് മരിച്ചത്.
ശിവനാഥന്െറ ഭാര്യയും രണ്ടു മക്കളും നാട്ടിലാണുള്ളത്. കമ്പനിയുടെയും തമിഴ്നാട് ഒ.ഐ.സി.സി ഭാരവാഹികളുടെയും നേതൃത്വത്തില് മൃതദേഹം നാട്ടിലേക്ക് അയക്കാനുള്ള നടപടികള് പൂര്ത്തിയായി വരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.