മംഗളൂരു: പരസ്ത്രീ ബന്ധം ആരോപിച്ച് യുവതി ഭർത്താവിന്റെ മുഖത്ത് മുളക് പൊടി കലക്കിയ തിളക്കുന്ന വെള്ളം തൂവിയതായി പരാതി. കടപാടിക്കടുത്ത മണിപുരയിൽ മുഹമ്മദ് ആസിഫ് (22) ആണ് അക്രമത്തിന് ഇരയായത്.
യുവാവ് കൗപ് പൊലീസ് സ്റ്റേഷനിൽ നൽകിയ പരാതിയിൽ പറയുന്നതിങ്ങിനെ:11 മാസം മുമ്പായിരുന്നു ഹുസൈൻ -മൈമൂന ദമ്പതികളുടെ മകൾ അഫ്റീനും താനും തമ്മിലുള്ള വിവാഹം. ഒന്നര മാസം മാത്രം തന്റെ വീട്ടിൽ നിന്ന ഭാര്യ സ്വന്തം വീട്ടിലേക്ക് പോയി. താനും അവിടേക്ക് താമസം മാറ്റി.
തനിക്ക് പരസ്ത്രീ ബന്ധം ഉണ്ടെന്ന് പറഞ്ഞ് പ്രശ്നം ഉണ്ടാക്കുക പതിവാണ്. ഞായറാഴ്ച വൈകുന്നേരം 6.45 ഓടെ താൻ കുളിക്കുമ്പോൾ ഭാര്യ വാതിലിൽ മുട്ടി. തുറന്നയുടൻ തിളങ്ങുന്ന മുളക് വെള്ളം തൂവി. ഇടതു കവിളും ശരീരത്തിന്റെ ഇടത് ഭാഗങ്ങളും പൊള്ളി നീറി. നിലവിളിച്ച് പുറത്തേക്ക് ഓടിയ തന്നെ ഭാര്യയും മാതാപിതാക്കളും മുറിയിൽ അടച്ചിട്ടു. അയൽക്കാർ അറിഞ്ഞതിനെത്തുടർന്ന് ചൊവ്വാഴ്ചയാണ് ആശുപത്രിയിൽ പ്രവേശിപ്പിച്ചത്" -കൗപ് പൊലീസ് കേസെടുത്ത് അന്വേഷിക്കുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.