മഥുര: പ്രായപൂർത്തിയാകാത്ത രണ്ട് ആൺകുട്ടികൾ ഒമ്പതുവയസുകാരിയെ ബലാത്സംഗം ചെയ്യുകയും ദൃശ്യങ്ങൾ പകർത്തി ഭുഷണിപ്പെടുത്തുകയും ചെയ്തതായി പൊലീസ്. പെൺകുട്ടിയുടെ ബന്ധുക്കൾ നൽകിയ പരാതി പ്രകാരം കേസ് രജിസ്റ്റർ ചെയ്യുകയും പെൺകുട്ടിലെ വൈദ്യ പരിശോധനക്ക് വിധേയമാക്കുകയും ചെയ്തതായി മഥുര ഹൈവേ പൊലീസ് സ്റ്റേഷൻ ഹൗസ് ഓഫീസർ ഛോട്ടെ ലാൽ പറഞ്ഞു.
ശനിയാഴ്ച വൈകീട്ട് പെൺകുട്ടി തനിച്ച് വീട്ടിലുണ്ടായിരുന്ന സമയത്താണ് സംഭവം നടന്നതെന്ന് പരാതിയിൽ പറയുന്നു. വീട്ടിൽ ആളില്ലാത്ത സമയം അയൽവാസികളായ ആൺകുട്ടികൾ വീട്ടിനകത്തേക്ക് കടന്ന് പെൺകുട്ടിയെ ആക്രമിക്കുകയായിരുന്നു. പെൺകുട്ടി എതിർത്തപ്പോൾ ബലാത്സംഗം ചെയ്തു. ഇതിന്റെ ദൃശ്യങ്ങൾ പകർത്തിയ പ്രതികൾ, സംഭവം പുറത്തു പറഞ്ഞാൽ ദൃശ്യങ്ങൾ സമൂഹമാധ്യമങ്ങളിലൂടെ പ്രചരിപ്പിക്കുമെന്ന് പെൺകുട്ടിയെ ഭീഷണിപ്പെടുത്തുകയും ചെയ്തുവെന്നും പരാതിയിൽ പറയുന്നു. സംഭവത്തിൽ കേസെടുത്ത പൊലീസ് അന്വേഷണം ആരംഭിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.