അയൽവാസികളുടെ തർക്കം; വയോധികയുടെ ശരീരമാസകലം കത്തികൊണ്ട്​ മുറിവേൽപിച്ചു

വൈ​ക്കം: അ​യ​ൽ​വാ​സി​ക​ൾ ത​മ്മി​ലു​ണ്ടാ​യ ക​ല​ഹ​ത്തെ തു​ട​ർ​ന്ന് മ​ധ്യ​വ​യ​സ്ക​ൻ വീ​ട്ടി​ൽ അ​തി​ക്ര​മി​ച്ചു​ക​യ​റി വ​യോ​ധി​ക​യെ ക​റി​ക്ക​ത്തി കൊ​ണ്ട്​ വ​ര​ഞ്ഞ് ശ​രീ​ര​മാ​സ​ക​ലം മു​റി​പ്പെ​ടു​ത്തി. വൈ​ക്കം ന​ഗ​ര​സ​ഭ എ​ട്ടാം​വാ​ർ​ഡി​ൽ മ​ഠ​ത്തി​ൽ​പ​റ​മ്പി​ൽ ഗി​രി​ജ (62)യെ​യാ​ണ് കി​ഴ​ക്കേ​മ​ഠ​ത്തി​ൽ അ​പ്പു (52) ആ​ക്ര​മി​ച്ച​ത്. ക​ഴി​ഞ്ഞ​ദി​വ​സമാണ്​സം​ഭ​വം. ത​ല​ക്കും ക​ഴു​ത്തി​നും മു​ഖ​ത്തും കൈ​ത്ത​ണ്ട​യി​ലു​മ​ട​ക്കം നി​ര​വ​ധി മു​റി​വു​ക​ളേ​റ്റ ഗി​രി​ജ​യെ വാ​ർ​ഡ്​ കൗ​ൺ​സി​ല​ർ എ​ബ്ര​ഹാം പ​ഴ​യ​ക​ട​വ​ന്‍റെ നേ​തൃ​ത്വ​ത്തി​ൽ വൈ​ക്കം താ​ലൂ​ക്ക് ആ​ശു​പ​ത്രി​യി​ലെ​ത്തി​ച്ച് പ്ര​ഥ​മ ശു​ശ്രൂ​ഷ ന​ൽ​കി​യ ശേ​ഷം വി​ദ​ഗ്ധ ചി​കി​ത്സ​ക്കാ​യി മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു. മു​റി​വു​ക​ളി​ൽ ചി​ല​തി​ൽ തു​ന്ന​ലി​ടാ​നാ​യെ​ങ്കി​ലും കൈ​ത്ത​ണ്ട​യി​ലെ മു​റി​വി​ൽ ഞ​ര​മ്പി​ന് ത​ക​രാ​റ്​ സം​ഭ​വി​ച്ചി​ട്ടു​ണ്ടോ​യെ​ന്ന് പ​രി​ശോ​ധി​ച്ച ശേ​ഷം ഗി​രി​ജ​ക്ക് വി​ദ​ഗ്ധ ചി​കി​ത്സ ന​ൽ​കു​മെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. വൈ​ക്കം പൊ​ലീ​സ് അ​പ്പു​വി​നെ ആ​റാ​ട്ടു​കു​ള​ങ്ങ​ര ഭാ​ഗ​ത്തു​നി​ന്നും അ​റ​സ്റ്റ് ചെ​യ്തു.