കോലഞ്ചേരി: ഇന്ദ്രാഞ്ചിറ ഭാഗത്തുനിന്ന് യുവാവിനെ തട്ടിക്കൊണ്ടുപോയ കേസിൽ മയക്കുമരുന്ന് വിൽപനക്കാരൻകൂടിയായ ഒരാൾ അറസ്റ്റിൽ. കിഴക്കമ്പലം താമരച്ചാൽ വിലങ്ങ് കാച്ചപ്പിള്ളി വീട്ടിൽ ഐവിൻ ബേബിയെയാണ് (22) പുത്തൻകുരിശ് പൊലീസ് അറസ്റ്റ് ചെയ്തത്.
കേസിൽ അഞ്ചുപേർ നേരത്തേ പിടിയിലായിരുന്നു. ഡിസംബറിലാണ് സംഭവം. കാർ വാടകക്ക് എടുത്തതുമായി ബന്ധപ്പെട്ട തർക്കത്തെ തുടർന്ന് വെങ്ങോല സ്വദേശിയായ യുവാവിനെ തട്ടിക്കൊണ്ടുപോയി രണ്ടുദിവസം പലയിടങ്ങളിലായി താമസിപ്പിച്ച് മർദിക്കുകയായിരുന്നു.
പ്രതിയെ പിടികൂടുമ്പോൾ 42 ഗ്രാം കഞ്ചാവും 12 ഗ്രാം കഞ്ചാവ് ഓയിലും കൈവശമുണ്ടായിരുന്നു. ഇയാൾക്കെതിരെ തടിയിട്ടപറമ്പ്, തൃക്കാക്കര, തോപ്പുംപടി സ്റ്റേഷനുകളിൽ മയക്കുമരുന്ന് കേസുകളുണ്ട്. അന്വേഷണത്തിന് ഇൻസ്പെക്ടർ ടി. ദിലീഷ്, എസ്.ഐമാരായ കെ. സജീവ്, സി.ഒ. സജീവ്, എ.എസ്.ഐ മനോജ് കുമാർ, എസ്.സി.പി.ഒമാരായ ബി. ചന്ദ്രബോസ്, പി.ആർ. അഖിൽ, ഡിനിൽ ദാമോദരൻ എന്നിവർ നേതൃത്വം നൽകി. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.