പുതുപ്പള്ളിയിൽ ഓട്ടോ ഡ്രൈവർ കൊല്ലപ്പെട്ട നിലയിൽ; അമ്മ തലക്കടിച്ചതായി ഏഴു വയസ്സുകാരന്‍റെ മൊഴി

കോട്ടയം: പുതുപ്പള്ളി പയ്യപ്പാടിയില്‍ ഓ​ട്ടോ ഡ്രൈവറെ വെ​ട്ടേറ്റുമരിച്ച നിലയിൽ കണ്ടെത്തി. പയ്യപ്പാടി പെരുങ്കാവ് പടനിലം വീട്ടില്‍ മാത്യു എബ്രഹാം എന്ന സിജിയാണ്​ (49) മരിച്ചത്​. സംഭവത്തിന് പിന്നാലെ കാണാതായ ഭാര്യ റോസന്നയെയും മകനെയും മണർകാട് പള്ളിയിൽനിന്ന് കോട്ടയം ഈസ്​റ്റ്​ പൊലീസ് കസ്​റ്റഡിയിലെടുത്തു.

ഭാര്യ റോസന്നയും മകൻ ജോയലും പുലർച്ച വീട് വിട്ട​ു​േപാകുന്നത്​​ അയൽവാസികൾ കണ്ടിരുന്നു. രാവിലെ എട്ടരയായിട്ടും വീട്ടില്‍നിന്ന്​ അനക്കമൊന്നും കേള്‍ക്കാതിരുന്നതോടെ ബന്ധുക്കൾ നടത്തിയ തിരച്ചിലിലാണ്​ അകത്ത്​ കട്ടിലിന്​ താഴെ ​രക്തത്തിൽ കുളിച്ച മൃതദേഹം കണ്ടത്​. തുടർന്ന് നാട്ടുകാര്‍ പഞ്ചായത്ത് അംഗം ശാന്തമ്മയെയും പൊലീസിനെയും വിവരം അറിയിച്ചു. ഈസ്​റ്റ്​ സ്​റ്റേഷന്‍ ഹൗസ് ഓഫിസര്‍ റിജോ പി. ജോസഫി​െൻറ നേതൃത്വത്തിൽ പൊലീസ് സംഘം സ്ഥലത്തെത്തി.

തലക്കും കഴുത്തിനും മാരകായുധം ഉപയോഗിച്ച്​​ മുറിവേൽപിച്ചിട്ടുണ്ട്​. അഗതിമന്ദിരത്തിലാണ്​ റോസന്ന വളർന്നത്​. ഇവിടെനിന്ന്​ സിജി ഇഷ്​ടപ്പെട്ട്​ വിവാഹം ചെയ്യുകയായിരുന്നു. മാനസിക ​​പ്രശ്​നമുണ്ടായിരുന്ന യുവതി വീടുവിട്ട് പോകുന്നത് പതിവായിരുന്നു. ജൂലൈയിൽ കാണാതായ യുവതിയെ തമിഴ്​നാട്ടിൽനിന്നാണ്​ പൊലീസ്​ ക​െണ്ടത്തിയത്​. റോസന്ന കുറച്ചുനാളായി മാനസികാസ്വാസ്ഥ്യം പ്രകടിപ്പിച്ചിരുന്നുവെന്ന്​ ബന്ധുക്കൾ പറയുന്നു. സമീപത്തെ ബന്ധുക്കളെ വീട്ടിലേക്ക്​ വരാനോ കുഞ്ഞിനെ പുറത്തുവിടാനോ സമ്മതിച്ചിരുന്നില്ല. ആശുപത്രിയിൽ കൊണ്ടുപോകാൻ തീരുമാനിച്ചിരിക്കുന്നതിനിടയിലാണ്​ ദാരുണസംഭവം നടന്നത്​.

എന്നാൽ, റോസന്നയെ കോട്ടയം ഈസ്​റ്റ്​ പൊലീസ്​ സ്​റ്റേഷനിലെത്തിച്ച്​ ചോദ്യം ചെയ്​തെങ്കിലും ഇവർ പ്രതികരിക്കാൻ തയാറായിട്ടില്ല. അതേസമയം, പിതാവിനെ അമ്മ തലക്കടിച്ചതായി ഏഴു വയസ്സുകാര​ൻ മൊഴി നൽകി. നടന്നതിനെല്ലാം ദൃക്​സാക്ഷിയായിരുന്ന കുട്ടി സംഭവങ്ങളെല്ലാം ജില്ല പൊലീസ്​ മേധാവിക്ക്​ വിവരിച്ചുനൽകി. അമ്മ നേരത്തേയും ബഹളം ​െവക്കുമായിരുന്നു​െവന്നും കുട്ടി പറഞ്ഞു.

രാവിലെ വീട്ടിൽനിന്നിറങ്ങിയ റോസന്ന ആദ്യം കോട്ടയത്താണ്​ എത്തിയത്​. കോട്ടയം റെയിൽവേ സ്​റ്റേഷനിലും നാഗമ്പടത്തുമെത്തിയശേഷം ഇവിടെനിന്ന്​ പിന്നീട്​ മണർകാട്​ പള്ളിയി​ൽ എത്തുകയായിരുന്നുവെന്ന്​ പൊലീസ്​ പറഞ്ഞു. കസ്​റ്റഡിയിലെടുക്കാൻ പൊലീസ്​ എത്തിയപ്പോൾ ആദ്യം ഇവർ ബഹളം സൃഷ്​ടിച്ചെങ്കിലും പിന്നീട്​ ശാന്തയായി.