കോട്ടയം: പുതുവത്സരാഘോഷത്തിനിടെ പൊലീസിനെ കൈയേറ്റം ചെയ്ത കേസിൽ ഒരാൾ അറസ്റ്റിൽ. പെരുമ്പായിക്കാട് പാറശ്ശേരി വീട്ടിൽ ജിയോ ജോസഫ് ആന്റണിയെയാണ് (28) അറസ്റ്റ് ചെയ്തത്.
ശനിയാഴ്ച കരിയമ്പാടം ഭാഗത്ത് നടന്ന പുതുവത്സരാഘോഷത്തിനിടെ ഇയാളും സുഹൃത്തുക്കളും തമ്മിൽ വാക്തർക്കം ഉണ്ടാകുകയും പൊലീസ് ഇടപെട്ട് ഇവരെ പിന്തിരിപ്പിക്കുകയുമായിരുന്നു. ഇതിനിടെ ഇയാൾ പൊലീസിനെ കൈയേറ്റം ചെയ്യുകയും യൂനിഫോം വലിച്ചുകീറി ദേഹോപദ്രവം ഏൽപിക്കുകയും ചെയ്തു. തുടർന്ന് സാഹസികമായി പിടികൂടുകയായിരുന്നു. ഗാന്ധിനഗർ എസ്.എച്ച്.ഒ കെ. ഷിജി, എസ്.ഐ വി. വിദ്യ, സി.പി.ഒമാരായ പ്രവീൺ, സിജാസ്, രാഗേഷ് എന്നിവർ ചേർന്നാണ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.