Posted On
date_range Updated On
date_range ട്രെയിനിൽ സീറ്റിനെചൊല്ലി തര്ക്കം; യാത്രക്കാരന് കുത്തേറ്റു; ആക്രമിയെ ആർ.പി.എഫ് പിടികൂടി
ഷൊർണൂർ: ട്രെയിനിൽ യാത്രക്കാരന് കുത്തേറ്റു. പരപ്പനങ്ങാടി സ്വദേശി ദേവദാസിനാണ് കുത്തേറ്റത്. ഗുരുവായൂർ സ്വദേശി അസീസാണ് ഇയാളെ കുത്തിയത്.
മരുസാഗർ എക്സ്പ്രസ് ഷൊർണൂരിലെത്തിയപ്പോഴാണ് ആക്രമം. സീറ്റിനെചൊല്ലി ഇരുവരും വഴക്കിട്ടിരുന്നു. തുടര്ന്ന് ട്രെയിന് ഷൊര്ണൂരിൽ പിടിച്ചിട്ടപ്പോള് ട്രാക്കിലേക്ക് ഇറങ്ങിയ അസീസ് അവിടെയുണ്ടായിരുന്ന കുപ്പി പൊട്ടിച്ച് അതിന്റെ കഷ്ണവുമായി ട്രെയിനിലേക്ക് തിരിച്ചുകയറി കുത്തുകയായിരുന്നു.
ദേവദാസിന്റെ കണ്ണിനാണ് കുത്തേറ്റത്. ഇയാളെ ആദ്യം ഷൊര്ണൂരിലെ സര്ക്കാര് ആശുപത്രിയിലും തുടര്ന്ന് കോഴിക്കോട് മെഡിക്കൽ കോളജിലും പ്രവേശിപ്പിച്ചു. രക്ഷപ്പെടാനുള്ള ശ്രമത്തിനിടെ ആക്രമിയെ ആർ.പി.എഫ് പിടികൂടി. ഇയാള്ക്കെതിരെ കേസെടുത്തിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.