അംറേലി: ഗുജറാത്തിലെ അംറേലിയിൽ ഗർഭിണിയുൾപ്പെടെ രണ്ട് സ്ത്രീകൾക്ക് നേരെ ആസിഡ് ആക്രമണം. സംഭവത്തിൽ പിതാവും മകനും അറസ്റ്റിലായി. ഞായറാഴ്ച് ആശുപത്രിയിൽ നിന്നും വീട്ടിലേക്ക് മടങ്ങുന്ന വഴി സവർകുണ്ട് ലയിൽ വെച്ചായിരുന്നു ആക്രമണം. പ്രതികാരമാണ് ആക്രമണത്തിന് പിന്നിലെന്ന് പൊലീസ് പറഞ്ഞു.
കഴിഞ്ഞ വർഷം ജനുവരിയിൽ സവർകുണ്ട് ലയിൽ രജിസ്റ്റർ ചെയ്ത ബലാത്സംഗ കേസിലെ പ്രതിയുടെ മകൾക്കും മരുമകൾക്കും നേരെയാണ് ആക്രമണമുണ്ടായത്. ബലാത്സംഗത്തിനിരയായ യുവതിയുടെ ഭർത്താവും മകനുമാണ് പ്രതികാര നടപടിയുടെ ഭാഗമായി സ്ത്രീകൾക്ക് നേരെ ആസിഡ് ആക്രമണം നടത്തിയതെന്ന് പൊലീസ് പറഞ്ഞു.
സ്ത്രീകൾ നൽകിയ പരാതിയുടെ അടിസ്ഥാനത്തിൽ പ്രതികൾക്കെതിരെ ഐ.പി.സി 328 എ വകുപ്പ് പ്രകാരം കേസ് രജിസ്റ്റർ ചെയ്തതായി അംറേലി പൊലീസ് എസ്.ഐ നിൽപ്രിത് റായ് പറഞ്ഞു. ഇരുവർക്കും 30ശതമാനം വരെ പൊള്ളലേറ്റിട്ടുണ്ടെന്നും അന്വേഷണം തുടരുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.