എജു വൈബായി മലപ്പുറം...‘മാധ്യമം എജു കഫേ’ക്ക് പ്രൗഢ സമാപനം

മ​ല​പ്പു​റം: അ​റി​വി​ന്‍റെ​യും അ​വ​സ​ര​ങ്ങ​ളു​ടെ​യും ‘വി​ദ്യ’​ക​ൾ തു​റ​ന്നു​കാ​ട്ടി കേ​ര​ള​ത്തി​ലെ ഏ​റ്റ​വും വ​ലി​യ വി​ദ്യാ​ഭ്യാ​സ-​ക​രി​യ​ർ മേ​ള ‘മാ​ധ്യ​മം’ ഏ​ജു​ക​ഫേ​ക്ക് മ​ല​പ്പു​റ​ത്ത്​ പ്രൗ​ഢ സ​മാ​പ​നം. മ​ല​പ്പു​റം റോ​സ്​​ലോ​ഞ്ച് ഓ​ഡി​റ്റോ​റി​യ​ത്തി​ൽ ര​ണ്ട് ദി​ന​ങ്ങ​ളി​ൽ ഒ​ഴു​കി​യെ​ത്തി​യ ആ​യി​ര​ങ്ങ​ൾ​ക്ക് ഭാ​വി​യെ ഭ​ദ്ര​മാ​ക്കാ​നു​ള്ള നൂ​ത​ന ആ​ശ​യ​ങ്ങ​ളും അ​റി​വു​ക​ളും കൈ​മാ​റി​യാ​ണ് മ​ഹാ​മേ​ള വി​ട പ​റ​ഞ്ഞ​ത്.

ക​രി​യ​ർ പാ​ട​വ​ങ്ങ​ളും മോ​ട്ടി​വേ​ഷ​ൻ ക്ലാ​സു​ക​ളും സം​ഗീ​ത വി​രു​ന്നും മെ​ന്‍റ​ലി​സ​വു​മെ​ല്ലാ​മാ​യി മ​ല​പ്പു​റ​ത്തി​ന്‍റെ ഹൃ​ദ​യം കീ​ഴ​ട​ക്കി​യാ​ണ്​ ഇ​ത്ത​വ​ണ എ​ജു കഫേ കൊ​ട്ടി​യി​റ​ങ്ങി​യ​ത്. ആ​ക​ർ​ഷ​ക​മാ​യ സെ​ഷ​നു​ക​ളും ഇ​ന്ത്യ​യി​ലെ മി​ക​ച്ച സ്ഥാ​പ​ന​ങ്ങ​ളു​ടെ​യും സ​ർ​വ​ക​ലാ​ശാ​ല​ക​ളു​ടെ​യും വൈ​വി​ധ്യ​മാ​ർ​ന്ന സ്റ്റാ​ളു​ക​ളും വി​ദ്യാ​ർ​ഥി​ക​ളു​ടെ ആ​ശ​ങ്ക​ക​ൾ​ക്കും പ്ര​തീ​ക്ഷ​ക​ൾ​ക്കും ഉ​ത്ത​ര​ങ്ങ​ൾ ന​ൽ​കി. പ്ര​മു​ഖ സൈ​ബ​ർ ലോ ​വി​ദ​ഗ്ധ​ൻ ജി​യാ​സ് ജ​മാ​ലി​ന്‍റെ സൈ​ബ​ർ സു​ര​ക്ഷ ക്ലാ​സോ​ടെ​യാ​ണ്​ ര​ണ്ടാം​ദി​നം എ​ജു​ക​​ഫേ​ക്ക് തു​ട​ക്കം കു​റി​ച്ച​ത്.

ര​ണ്ടാം സെ​ഷ​നി​ൽ സൈ​ലം ഡ​യ​റ​ക്ട​ർ ലി​ജീ​ഷ് കു​മാ​റി​ന്‍റെ മ​നോ​ഹ​ര​മാ​യ സെ​ഷ​ന് ക​ണ്ണും കാ​തും കൂ​ർ​പ്പി​ച്ചാ​ണ് സ​ദ​​സ്സൊ​ന്നാ​കെ ഇ​രു​ന്ന​ത്. ത​ന്‍റെ ജീ​വി​താ​നു​ഭ​വ​ങ്ങ​ളി​ലൂ​ടെ വ​ലി​യ സ​ന്ദേ​ശ​ങ്ങ​ളാ​ണ് അ​ദ്ദേ​ഹം കു​ട്ടി​ക​ളു​മാ​യി സം​വ​ദി​ച്ച​ത്. സൈ​ലം പി.​എ​സ്‌.​സി മേ​ധാ​വി മ​ൻ​സൂ​റ​ലി കാ​പ്പു​ങ്ങ​ൽ, കോ​ർ​പ​റേ​റ്റ് പ​രി​ശീ​ല​ക​ൻ മി​ഥു​ൻ മി​ത്വ, യു.​ഡ​ബ്ല്യു.​ആ​ർ അ​ക്കാ​ദ​മി​ക് ഇ​ന്നൊ​വേ​ഷ​ൻ​സ് മേ​ധാ​വി അ​ഖി​ല ആ​ർ. ഗോ​മ​സ്, ക​രി​യ​ർ കൗ​ൺ​സി​ല​ർ ജാ​ഫ​ർ സാ​ദി​ഖ് പു​ളി​യ​ക്കോ​ട്, ട്രാ​വ​ൽ വ്ലോ​ഗ​ർ സു​ജി​ത് ഭ​ക്ത​ൻ, മോ​ട്ടി​വേ​ഷ​ന​ൽ സ്പീ​ക്ക​റും മെ​ന്‍റ​ലി​സ്റ്റു​മാ​യ താ​ഹി​ർ ബോ​ണ​ഫൈ​ഡ് തു​ട​ങ്ങി​യ​വ​ർ വി​വി​ധ സെ​ഷ​നു​ക​ളി​ൽ വി​ദ്യാ​ർ​ഥി​ക​ളു​മാ​യി സം​വ​ദി​ച്ചു.

മ​ഹാ​മേ​ള​യി​ൽ ഒ​ഴു​കി​യെ​ത്തി​യ​ത് ആ​യി​ര​ങ്ങ​ൾ

അ​റി​വി​ന്റെ ‘വി​ദ്യ’ കേ​ൾ​ക്കാ​ൾ അ​ല​യ​ടി​ച്ചെ​ത്തി​യ ജ​ന​സാ​ഗ​ര​ത്തെ സ​ക്ഷി​യാ​ക്കി​യാ​ണ് ‘മാ​ധ്യ​മം’ എ​ജു​ക​ഫേ കൊ​ട്ടി​യി​റ​ങ്ങി​യ​ത്. വി​ദ്യാ​ഭ്യാ​സ ഭാ​വി​യും ക​രി​യ​ർ സാ​ധ്യ​ത​ക​ളും തു​റ​ന്ന് കാ​ട്ടി​യ എ​ജു​ക​ഫേ വി​ദ്യാ​ർ​ഥി​ക​ളും ര​ക്ഷി​താ​ക്ക​ളും അ​ക്ഷ​രാ​ർ​ഥ​ത്തി​ൽ നെ​ഞ്ചേ​റ്റി​യ കാ​ഴ്ച​യാ​ണ് ക​ണ്ട​ത്.

ര​ണ്ട് ദി​വ​സ​ങ്ങ​ളി​ലും രാ​വി​ലെ ഒ​മ്പ​ത് മു​ത​ൽ ത​ന്നെ വി​ദ്യാ​ർ​ഥി​ക​ളു​ടെ നീ​ണ്ട നി​ര​യാ​ണ് ര​ജി​സ്ട്ര​ഷ​ൻ കൗ​ണ്ട​റി​ന് മു​ന്നി​ലും സ്റ്റാ​ളു​ക​ളി​ലും ക​ണ്ട​ത്. ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ​നി​ന്ന് ആ​യി​ര​ക്ക​ണ​ക്കി​ന് വി​ദ്യാ​ർ​ഥി​ക​ളാ​ൽ റോ​സ് ലോ​ഞ്ച് ഓ​ഡി​റ്റോ​റി​യ​വും പ​രി​സ​ര​വും നി​റ​ഞ്ഞി​രു​ന്നു. മ​നം നി​റ​ഞ്ഞ സെ​ഷ​നു​ക​ളും ഉ​ൾ​തു​റ​ന്ന ച​ർ​ച്ച​ക​ളു​മാ​യി അ​റി​വി​ന്‍റെ മ​ഹാ ഉ​ത്സ​വ​മാ​യി മാ​റു​ക​യാ​യി​രു​ന്നു ‘മാ​ധ്യ​മം’ എ​ജു​ക​ഫേ.

ലി​ജീ​ഷ് ക​ഥ​ക​ളി​ലെ വി​ജ​യ​മ​ന്ത്ര​ങ്ങ​ൾ

അ​ധ്യാ​പ​ക​ജീ​വി​ത​ത്തി​ൽ അ​നു​ഭ​വി​ച്ച​റി​ഞ്ഞ വി​ജ​യ​ക്ക​ഥ​ക​ൾ പ​ങ്കു​വെ​ച്ച സൈ​ലം ഡ​യ​റ​ക്ട​ർ ലി​ജീ​ഷ് കു​മാ​ർ സ​ദ​സ്സി​ന് പ്ര​ചോ​ദ​ന പാ​ഠ​ങ്ങ​ൾ പ​ക​ർ​ന്നു​ന​ൽ​കി. ജീ​വി​ത​യാ​ഥാ​ർ​ഥ്യ​ങ്ങ​ളി​ലെ പ്ര​തി​സ​ന്ധി​ക​ളി​ൽ ത​ള​രാ​തെ വി​ജ​യ​സോ​പാ​ന​ങ്ങ​ൾ കീ​ഴ​ട​ക്കി​യ​വ​രു​ടെ അ​റി​വ​നു​ഭ​വ​ങ്ങ​ൾ സ​ദ​സ്സി​ന് പു​ത്ത​നു​ണ​ർ​വേ​കി. ജീ​വി​ത​ത്തി​ൽ തോ​ൽ​വി​യും ജ​യ​വും തീ​രു​മാ​നി​ക്കു​ന്ന​ത് ന​മ്മ​ൾ ത​ന്നെ​യാ​ണെ​ന്ന് അ​ദ്ദേ​ഹം പ​ങ്കു​വെ​ച്ചു.

എ​വി​ടെ നി​ന്ന് സ്വ​പ്നം കാ​ണ​ണം എ​ന്ന് പ​റ​യാ​ൻ ആ​ളു​ക​ളു​ണ്ടാ​കും. ത​ട​സ്സ​ങ്ങ​ളും പ്ര​യാ​സ​ങ്ങ​ളും കൂ​ടെ​യു​ണ്ടാ​വും. പാ​ഷ​നി​ൽ ഉ​റ​ച്ചു​നി​ൽ​ക്കു​ക എ​ന്നു​ള്ള​താ​ണ് പ്ര​ധാ​നം. ഏ​തൊ​രു ജീ​വി​ത സാ​ഹ​ച​ര്യ​ത്തി​ൽ നി​ന്നാ​ണെ​ങ്കി​ലും പാ​ഷ​നി​ൽ ഉ​റ​ച്ചു​നി​ൽ​ക്കു​ക​യാ​ണെ​ങ്കി​ൽ വി​ജ​യി​ക്കും.

എ​ല്ലാ പ്ര​തി​സ​ന്ധി​ക​ളെ​യും അ​തി​ജീ​വി​ക്കാ​ൻ സാ​ധി​ക്കും. ന​മ്മ​ൾ ഓ​രോ​രു​ത്ത​രും വ​ലി​യ​വ​നാ​ണെ​ന്ന് തി​രി​ച്ച​റി​യേ​ണ്ട​തു​ണ്ട്. ഉ​ള്ളി​ൽ അ​ട​ങ്ങാ​ത്ത സ്വ​പ്ന​മു​ണ്ടെ​ങ്കി​ൽ ലോ​കം മു​ഴു​വ​ൻ എ​തി​ർ​ത്താ​ലും നി​ങ്ങ​ള​ത് നേ​ടു​ക​ത​ന്നെ ചെ​യ്യും. ഒ​ന്നു​മി​ല്ലാ​യ്മ​യി​ൽ നി​ന്നും വി​ജ​യ​ഗാ​ഥ ര​ചി​ച്ച​വ​ർ ഏ​റെ​യു​ണ്ട്. ഒ​രാ​ൾ തോ​ൽ​ക്ക​ണ​മെ​ന്ന് തീ​രു​മാ​നി​ച്ചാ​ൽ അ​യാ​ൾ തോ​ൽ​ക്കും. മ​റി​ച്ച് ജ​യി​ക്ക​ണ​മെ​ന്ന് തീ​രു​മാ​നി​ച്ചാ​ൽ ആ​ർ​ക്കും തോ​ൽ​പി​ക്കാ​നാ​വി​ല്ല. തീ​രു​മാ​നി​ക്കേ​ണ്ട​ത് ന​മ്മ​ളാ​ണ്.

മാ​ന​സി​കാ​രോ​ഗ്യം വെ​റും ‘കൗ​മാ​ര ച​ർ​ച്ച​യ​ല്ല’

കൗ​മാ​ര​ക്കാ​രി​ലെ മാ​ന​സി​കാ​രോ​ഗ്യ​ത്തി​ന്‍റെ പു​ത്ത​ൻ മാ​റ്റ​ങ്ങ​ളെ കു​റി​ച്ചു​ള്ള തു​റ​ന്ന ച​ർ​ച്ച​വേ​ദി​യാ​യി മാ​ധ്യ​മം എ​ജു​ കഫേ. ഉ​ച്ച​ക്ക് ശേ​ഷം ന​ട​ന്ന സെ​ഷ​നി​ൽ ക്ലി​നി​ക്ക​ൽ സൈ​ക്കോ​ള​ജി​സ്റ്റ് ഡോ. ​മി​ലു മ​റി​യ ആ​ന്‍റോ, ഫാ​മി​ലി തെ​റ​പി​സ്റ്റ് ഹ​രി ജ​യ​രാ​മ​ൻ, ഐ.​സി.​എ​ഫ് ലൈ​ഫ് കോ​ച്ച് അ​മൃ​ത ജെ. ​ആ​ന്‍റ​ണി എ​ന്നി​വ​രാ​ണ് ‘കൗ​മാ​ര മാ​ന​സി​കാ​രോ​ഗ്യ​വും വെ​ല്ലു​വി​ളി​ക​ളും’ വി​ഷ​യ​ത്തി​ലെ ച​ർ​ച്ച​യി​ൽ പ​​ങ്കെ​ടു​ത്ത് സം​സാ​രി​ച്ച​ത്.

കൗ​മാ​ര​മാ​ണ് ജീ​വി​ത​ത്തി​ലെ ഏ​റ്റ​വും ന​ല്ല കാ​ല​ഘ​ട്ടം. മാ​ന​സി​കാ​രോ​ഗ്യം ശാ​രീ​രി​ക ആ​രോ​ഗ്യ​ത്തെ പോ​ലെ പ്ര​ധാ​ന​മാ​ണ്. കു​ട്ടി​ക​ളു​ടെ മ​ന​സ്സി​നേ​ൽ​ക്കു​ന്ന മു​റി​വു​ക​ൾ അ​വ​രു​ടെ പ​ഠ​ന​ത്തെ​യും ജീ​വി​ത​ത്തെ​യും ഗു​രു​ത​ര​മാ​യി ബാ​ധി​ക്കും. കു​ട്ടി​ക​ളു​ടെ മ​ന​സ്സ് മ​ന​സ്സി​ലാ​ക്കേ​ണ്ട ആ​ദ്യ​ത്തെ ഉ​ത്ത​ര​വാ​ദി​ത്തം ര​ക്ഷി​താ​ക്ക​ൾ​ക്ക് ത​ന്നെ​യാ​ണ്. കു​ട്ടി​ക​ളു​മാ​യി ന​ല്ല ബ​ന്ധം കാ​ത്തു​സൂ​ക്ഷി​ക്കേ​ണ്ട​തു​ണ്ട്. അ​വ​ർ പ​ല​കാ​ര്യ​ങ്ങ​ളും ര​ക്ഷി​താ​ക്ക​ളോ​ടും പ​ങ്കു​വെ​ക്കാ​ൻ മ​ടി​കാ​ണി​ക്കാ​റു​ണ്ട്.

കോ​വി​ഡി​ന് ശേ​ഷം കു​ട്ടി​ക​ളി​ൽ വ​ലി​യ മാ​റ്റ​ങ്ങ​ൾ വ​ന്നി​ട്ടു​ണ്ട്. ല​ഹ​രി​യാ​ണ് ഇ​ന്ന​ത്തെ പു​തു​ത​ല​മു​റ നേ​രി​ടു​ന്ന വ​ലി​യ വെ​ല്ലു​വി​ളി. 10 വ​യ​സ്സി​ന് താ​ഴെ​യു​ള്ള കു​ട്ടി​ക​ൾ വ​രെ ല​ഹ​രി​ക്ക​ടി​മ​പ്പെ​ടു​ന്ന കാ​ല​മാ​ണ്. മാ​ന​സി​ക പ്ര​ശ്ന​ങ്ങ​ൾ കു​ട്ടി​ക​ളെ ല​ഹ​രി​പോ​ലു​ള്ള ആ​പ​ത്തു​ക​ളി​ൽ എ​ത്തി​ക്കു​ന്നു​ണ്ട്. സ​മൂ​ഹ​ത്തി​ന് ഇ​ത്ത​രം കാ​ര്യ​ങ്ങ​ളി​ൽ വ​ലി​യ ഉ​ത്ത​ര​വാ​ദി​ത്ത​മു​ണ്ടെ​ന്നും ച​ർ​ച്ച​യി​ൽ പ​​ങ്കെ​ടു​ത്ത​വ​ർ അ​ഭി​പ്രാ​യ​​​​പ്പെ​ട്ടു.

‘‘ന​മ്മു​ടെ ക​ഴി​വി​ൽ വി​ശ്വ​സി​ക്കു​ക’’

പു​തു​ത​ല​മു​റ​ക്ക് ഒ​രു പ​ഴ​ഞ്ച​ൻ ഏ​ർ​പ്പാ​ടാ​ണ് പി.​എ​സ്.​സി. എ​ന്നാ​ൽ സ​ർ​ക്കാ​റു​ക​ൾ നാ​ട്ടി​ൽ നി​ല​നി​ൽ​ക്കു​ന്ന കാ​ല​ത്തോ​ളം സ​ർ​ക്കാ​ർ ജീ​വ​ന​ക്കാ​രു​ടെ ജീ​വി​തം സു​ര​ക്ഷി​ത​മാ​ണെ​ന്ന് സൈ​ലം പി.​എ​സ്.​സി ത​ല​വ​ൻ മ​ൻ​സൂ​ർ അ​ലി കാ​പ്പു​ങ്ങ​ൽ അ​ഭി​പ്രാ​യ​പ്പെ​ട്ടു. ജീ​വി​ത​ത്തി​ൽ ഉ​ണ്ടാ​വു​ന്ന സാ​ഹ​ച​ര്യ​ങ്ങ​ളാ​ണ് ഏ​തൊ​രു മ​നു​ഷ്യ​നെ​യും വി​ജ​യ​ത്തി​ന്‍റെ പാ​ത​യി​ലേ​ക്ക് ന​യി​ക്കു​ന്ന​ത്.

ഏ​തൊ​രാ​ളും ഏ​ത് ജോ​ലി​ക്കു വേ​ണ്ടി ഇ​റ​ങ്ങി​ത്തി​രി​ച്ചാ​ലും പി​ന്തി​രി​പ്പി​ക്കാ​നും അ​തു​പോ​ലെ കു​ത്തു​വാ​ക്കു​ക​ൾ പ​റ​യാ​നും ഒ​രു​പാ​ട് ആ​ളു​ക​ളു​ണ്ടാ​വും. ആ പ​രി​ഹാ​സ​ങ്ങ​ളും കു​ത്തു​വാ​ക്കു​ക​ളും ന​മു​ക്കു​ള്ള മോ​ട്ടി​വേ​ഷ​നാ​യി കാ​ണ​ണം. ന​ല്ല കാ​ര്യ​ങ്ങ​ൾ ചെ​യ്യാ​തി​രി​ക്കാ​ൻ ഒ​രു​പാ​ട് കാ​ര​ണം ഉ​ണ്ടാ​വും. എ​ന്നാ​ൽ, മു​ന്നോ​ട്ടു​പോ​വാ​ൻ ഒ​രു കാ​ര​ണം മാ​ത്ര​മേ കാ​ണൂ. ന​മ്മു​ടെ ക​ഴി​വി​ൽ വി​ശ്വ​സി​ക്കു​ക. അ​താ​വ​ണം ന​മു​ക്ക് മു​ന്നോ​ട്ടു പോ​വാ​നു​ള്ള ഒ​രേ​യൊ​രു കാ​ര​ണ​മെ​ന്നും അ​ദ്ദേ​ഹം പ​റ​ഞ്ഞു.

‘‘ചി​ല്ല​റ​ക്കാ​ര​ന​ല്ല കോ​മേ​ഴ്‌​സ്’’

പ്ര​ഫ​ഷ​ന​ൽ കോ​മേ​ഴ്‌​സ് കോ​ഴ്സു​ക​ളു​ടെ സാ​ധ്യ​ത​ക​ളും പു​തു​മ​ക​ളും പ​റ​ഞ്ഞ് മോ​ട്ടി​വേ​ഷ​ന​ൽ സ്പീ​ക്ക​റും കോ​ർ​പ​റേ​റ്റ് ട്രെ​യ്ന​റു​മാ​യ മി​ഥു​ൻ മി​ത്‍വ. കോ​മേ​ഴ്‌​സ് മേ​ഖ​ല​യി​ലെ സി.​എ, എ.​സി.​സി.​എ, സി.​എം.​എ കോ​ഴ്സു​ക​ളു​ടെ അ​വ​സ​ര​ങ്ങ​ളും വെ​ല്ലു​വി​ളി​ക​ളും വി​വ​രി​ക്കു​ന്ന​തി​നോ​ടൊ​പ്പം കോ​മേ​ഴ്‌​സ് മേ​ഖ​ല​യി​ലെ എ.​ഐ ആ​ഘാ​ത​ങ്ങ​ളും എ.​ഐ എ​ങ്ങ​നെ ബീ​റ്റ് ചെ​യ്യാ​ൻ പ​റ്റു​മെ​ന്നും അ​ദ്ദേ​ഹം വി​ശ​ദീ​ക​രി​ച്ചു.

എ.​ഐ വ​ന്നാ​ലും കോ​മേ​ഴ്‌​സ് മേ​ഖ​ല​യി​ൽ വ​ലി​യ സാ​ധ്യ​ത​ക​ൾ ഉ​ണ്ട്. ബി​സി​ന​സ് വി​ജ​യി​ക്കാ​ൻ ഐ​ഡി​യ മാ​ത്രം പോ​രാ അ​ത് പ്ര​ാവ​ർ​ത്തി​ക​മാ​ക്കാ​ൻ അ​റി​യ​ണം. പ്ര​ഫ​ഷ​ന​ൽ കോ​ഴ്സു​ക​ൾ​ക്ക് എ​ന്നും മു​ൻ​ഗ​ണ​ന​യു​ണ്ട്. മ​റ്റേ​തു ഡി​ഗ്രി കോ​ഴ്സ് പ​ഠി​ക്കു​ന്ന​തി​നേ​ക്കാ​ൾ കൂ​ടു​ത​ൽ വ​രു​മാ​നം കൂ​ട്ടാ​നും പ​ഠ​ന​ത്തോ​ടൊ​പ്പം ജോലി ചെ​യ്യാ​നും വി​ദേ​ശ​ത്ത് ജോ​ലി ചെ​യ്യാ​നും കോ​മേ​ഴ്‌​സ് കോ​ഴ്സു​ക​ൾ സാ​ധ്യ​ത ഒ​രു​ക്കു​ന്നു​ണ്ടെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

 ‘സൈ​ബ​ർ സു​ര​ക്ഷ നി​ങ്ങ​ളു​ടെ കൈ​യി​ൽ’’

ഹാ​ക്കി​ങ്ങി​നാ​യ​ല്ല സൈ​ബ​ർ സു​ര​ക്ഷ പ​ഠി​ക്കേ​ണ്ട​ത്. സൈ​ബ​ർ സെ​ക്യൂ​രി​റ്റി ഉ​ത്ത​ര​വാ​ദി​ത്ത​ത്തോ​ടെ സ​മീ​പി​ക്കേ​ണ്ട മേ​ഖ​ല​യാ​ണ്. ഡി​ജി​റ്റ​ൽ യു​ഗ​ത്തി​ൽ സ്വ​ന്തം സൈ​ബ​ർ സു​ര​ക്ഷ ഒ​രു​ക്കാ​ൻ എ​ല്ലാ​വ​രും ശ്ര​ദ്ധി​​ക്കേ​ണ്ട​തു​ണ്ട്. സ്മാ​ർ​ട് ഫോ​ൺ 100 ശ​ത​മാ​നം സു​ര​ക്ഷി​ത​മാ​യ ഡി​വൈ​സാ​ണെ​ന്ന് ഒ​രി​ക്ക​ലും പ​റ​യാ​നാ​വി​ല്ല.

എ​ന്നാ​ലും കൃ​ത്യ​മാ​യി ശ്ര​ദ്ധി​ച്ചാ​ൽ ഒ​രു പ​രി​ധി​വ​രെ ഹാ​ക്കി​ങ് പ്ര​വ​ർ​ത്ത​ന​ങ്ങ​ൾ ത​ട​യാ​ൻ ക​ഴി​യും. ഇ​ൻ​സ്റ്റ​ഗ്രാ​മും ഫേ​സ്ബു​ക്കു​മെ​ല്ലാം കൃ​ത്യ​മാ​യ സെ​ക്യൂ​രി​റ്റി ​പ​രി​ശോ​ധ​ന​ക​ൾ ന​ട​ത്തേ​ണ്ട​ത് ആ​വ​ശ്യ​മാ​ണ്. ഡി​ജി​റ്റ​ൽ ഡി​വൈ​സു​ക​ൾ കൈ​കാ​ര്യ ചെ​യ്യു​ന്ന​തി​ൽ പ​ല​ർ​ക്കും വീ​ഴ്ച സം​ഭ​വി​ക്കു​ന്നു​ണ്ട്. എ​ന്തു കി​ട്ടി​യാ​ലും ഡൗ​ൺ​ലോ​ഡ് ചെ​യ്യാ​നോ ഷെ​യ​ർ ചെ​യ്യാ​നോ നി​ൽ​ക്ക​രു​ത്. സൈ​ബ​ർ ത​ട്ടി​പ്പു​ക​ൾ സം​ഭ​വി​ച്ചു ക​ഴി​ഞ്ഞാ​ൽ സ​ർ​ക്കാ​ർ പോ​ർ​ട്ട​ലു​ക​ളി​ൽ അ​ത് വേ​ഗ​ത്തി​ൽ റി​പ്പോ​ർ​ട്ട് ചെ​യ്യാ​ൻ ക​ഴി​യ​ണം.

‘‘ക​രി​യ​ർ തെ​ര​ഞ്ഞെ​ടു​ക്കേ​ണ്ട​ത് ജാ​ഗ്ര​ത​യോ​ടെ’’

വി​ദ്യ​ാഭ്യാ​സ മേ​ഖ​ല​യി​ലെ അ​വ​സ​ര​ങ്ങ​ളും പു​ത്ത​ൻ അ​റി​വി​ക​ളും പ​ങ്കു​വെ​ച്ച്​ ക​രി​യ​ർ കൗ​ൺ​സി​ല​ർ ജാ​ഫ​ർ സാ​ദി​ഖ് പു​ളി​യ​ക്കോ​ട്. ഓ​രോ മ​നു​ഷ്യ​രും വ്യ​ത്യ​സ്ത​രാ​ണ്. സ്വ​ന്ത​മാ​യി വ്യ​ക്തി​ത്വ​വും അ​സ്ഥി​ത്വ​വു​മെ​ല്ലാം മ​നു​ഷ്യ​നെ വേ​റി​ട്ട​താ​ക്കു​ന്നു. ജീ​വി​ത​ത്തി​ൽ വ്യ​ത്യ​സ്ത ക​ഴി​വു​ക​ൾ ആ​ർ​ജി​ച്ചെ​ടു​ക്ക​ണം.

ക​രി​യ​ർ തെ​ര​ഞ്ഞെ​ടു​ക്കു​മ്പോ​ൾ പ​ല ച​തി​ക്കു​ഴി​ക​ളും ന​മ്മ​ളെ കാ​ത്തി​രി​ക്കു​ന്നു​ണ്ടാ​വും. സ്കോ​ള​ർ​ഷി​പ്പു​ക​ളും വാ​ഗ്ദാ​ന​ങ്ങ​ളും മാ​ത്രം നോ​ക്കി കോ​ഴ്സു​ക​ൾ തെ​ര​ഞ്ഞെ​ടു​ക്ക​രു​ത്. പ​ത്താം ക്ലാ​സ് ക​ഴി​ഞ്ഞ​തി​നു ശേ​ഷം വി​ദ്യാ​ർ​ഥി​ക​ൾ​ക്ക് തെ​ര​ഞ്ഞെ​ടു​ക്കാ​വു​ന വ്യ​ത്യ​സ്ത കോ​ഴ്സു​ക​ളെ കു​റി​ച്ചും അ​വ പ​ഠി​പ്പി​ക്കു​ന്ന യൂ​നി​വേ​ഴ്സി​റ്റി​ക​ളെ കു​റി​ച്ചും അ​വ​സ​ര​ങ്ങ​​ളെ കു​റി​ച്ചും അ​ദ്ദേ​ഹം വി​ശ​ദീ​ക​രി​ച്ചു.

‘‘ഇ​നി എ.​ഐ കാ​ലം’’

ഇ​നി വ​രാ​നു​ള്ള​ത് ആ​ർ​ട്ടി​ഫി​ഷ്യ​ൽ ഇ​ന്‍റ​ലി​ജ​ൻ​സി​ന്‍റെ സ​മ​ഗ്രാ​ധി​പ​ത്യ​മാ​ണ്. എ​ല്ലാ മേ​ഖ​ല​ക​ളി​ലും എ.​ഐ​ക്ക് അ​തി​ന്‍റേ​താ​യ ഇ​ട​പെ​ട​ലു​ക​ൾ ന​ട​ത്താ​ൻ ക​ഴി​യും. എ.​ഐ പ​രി​ജ്ഞാ​നം ഏ​ത് ജോ​ലി​യേ​യും നി​ങ്ങ​ൾ​ക്ക് എ​ളു​പ്പ​മാ​ക്കും. ജോ​ലി​ക​ളു​ടെ വൈ​വി​ധ്യ​ങ്ങ​ൾ പു​തു​ത​ല​മു​റ​ക്ക് പ​ക​ർ​ന്നു​കൊ​ടു​ക്ക​ലാ​ണ് ആ​ർ​ട്ടി​ഫി​ഷ്യ​ൽ ഇ​ൻ​റ​ലി​ജ​ൻ​സ്.

എ.​ഐ മ​നു​ഷ്യ​ന്‍റെ പ​രി​മി​തി​ക​ളെ മ​റ​യ്ക്കാ​നും കൂ​ടു​ത​ൽ ക്രി​യാ​ത്മ​ക​മാ​ക്കാ​നും നി​ങ്ങ​ളെ സ​ഹാ​യി​ക്കും. നി​ല​വി​ലു​ള്ള ജോ​ലി​ക​ൾ ഇ​ല്ലാ​താ​ക്ക​ല​ല്ല മ​റി​ച്ച് മ​നു​ഷ്യ​ന്റെ അ​ധ്വാ​ന​ത്തെ കു​റ​ക്കു​ക​യാ​ണ് എ.​ഐ ചെ​യ്യു​ന്ന​ത്.