ആറ്റിങ്ങൽ: ഈ വർഷം മുതൽ സ്റ്റുഡന്റ്സ് പൊലീസ് കാഡറ്റുകൾക്കുണ്ടായിരുന്ന ഗ്രേസ് മാർക്ക് പുനഃസ്ഥാപിക്കുമെന്ന് മന്ത്രി വി. ശിവൻകുട്ടി അറിയിച്ചു. ലഹരിവിരുദ്ധ പോരാട്ടത്തിൽ മുൻനിരയിൽ സ്റ്റുഡന്റ്സ് പൊലീസ് കാഡറ്റുകളുണ്ടാകണമെന്നും മന്ത്രി പറഞ്ഞു.
പരിസ്ഥിതി ബോധവത്കരണമുൾപ്പെടെ സമൂഹത്തിന് ഗുണകരമായ പദ്ധതികളാണ് സ്റ്റുഡന്റ്സ് പൊലീസ് പദ്ധതി വഴി നടപ്പാക്കുന്നതെന്നും മന്ത്രി പറഞ്ഞു.
ആറ്റിങ്ങൽ സബ് ഡിവിഷനിൽ എസ്.പി.സി പാസിങ് ഔട്ട് പരേഡിൽ സല്യൂട്ട് സ്വീകരിക്കുകയായിരുന്നു മന്ത്രി. ഗവ. കോളജ് മൈതാനത്ത് നടന്ന ചടങ്ങിൽ 12 പ്ലാറ്റൂണുകളിലായി 264 വിദ്യാർഥികൾ പരേഡിൽ അണിനിരന്നു. മികച്ച പ്ലാറ്റൂണുകൾക്കുള്ള പുരസ്കാരം മന്ത്രി വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.