മുംബൈ: രൂപയുടെ മൂല്യമിടിഞ്ഞതിന് പിന്നാലെ ഒാഹരി വിപണിയിലും തകർച്ച. സെൻസെക്സും നിഫ്റ്റിയും ബുധനാഴ്ചയും നഷ്ടത്തിലാണ് വ്യാപാരം അവസാനിപ്പിച്ചത്. സെൻസെക്സ് 139.61പോയിൻറ് നഷ്ടം രേഖപ്പെടുത്തി 38,018.31ൽ വ്യാപാരം അവസാനിപ്പിച്ചു. നിഫ്റ്റി 43.35 പോയിൻറ് നഷ്ടത്തോടെ 11,476.95ൽ ക്ലോസ് ചെയ്തു.
ഹിന്ദുസ്ഥാൻ യൂണിലിവർ, ഭാരതി ഇൻഫ്രാടെൽ, ഭാരതി എയർടെൽ എന്നിവയുടെ ഒാഹരികളാണ് നിഫ്റ്റിയിൽ വൻ നഷ്ടം രേഖപ്പെടുത്തിയത്. എഫ്.എം.സി.ജി, ഹിന്ദുസ്ഥാൻ യുണിലിവർ പോലുള്ള ഒാഹരികൾ 2.8 ശതമാനം നഷ്ടം രേഖപ്പെടുത്തി. റിലയൻസ് ഇൻഡസ്ട്രീസ്, കൊട്ടക് മഹീന്ദ്ര തുടങ്ങിയ ഒാഹരികളും തകർച്ചയോടെയാണ് വ്യാപാരം അവസാനിപ്പിച്ചത്.
ഡോളറിനെതിരെ രൂപയുടെ മൂല്യം 71.80ത്തിലേക്ക് താഴ്ന്നതോടെയാണ് ഒാഹരി വിപണിയിലും തകർച്ച ഉണ്ടായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.