ഇന്ധനവില ഒമ്പത് പൈസ കുറഞ്ഞു

തിരുവനന്തപുരം: സംസ്ഥാനത്ത് ഇന്ധനവില കുറഞ്ഞു. പെട്രോളിനും ഡീസലിനും ലിറ്ററിന് ഒമ്പത് പൈസയും വീതമാണ് കുറഞ്ഞത്. തുടർച്ചയായ നാലാം ദിവസമാണ് വില കുറയുന്നത്. 

തിരുവനന്തപുരത്ത് പെട്രോളിന് ലിറ്ററിന് 81.35 രൂപയും ഡീസലിന് 73.96 രൂപയിലുമാണ് വിൽപന. കൊച്ചിയിൽ പെട്രോളിന് 80.8ഉം കോഴിക്കോട് 80.33ഉം രൂപയാണ്. ഡീസലിന് യഥാക്രമം 72.77ഉം 73.3ഉം രൂപയാണ്. 

കേരളാ സർക്കാർ നികുതിയിൽ കുറവ്​ വരുത്തിയതോടെ വെള്ളിയാഴ്ച പെട്രോൾ വില ലിറ്ററിന്​​ ​1.10 രൂപയും ഡീസലിന് ​1.07 ​രൂപയും കുറഞ്ഞിരുന്നു. സംസ്​ഥാന സർക്കാർ വരുത്തിയ ഒരു രൂപയുടെ നികുതി കുറവ്​ വ്യാഴാഴ്ച അർധരാത്രിയാണ് നിലവിൽ വന്നത്.