വാഷിങ്ടൺ: ഡിജിറ്റൽ നാണയമായ ബിറ്റ്കോയിന് മുന്നിൽ പകച്ചു നിൽക്കുകയാണ് അമേരിക്കൻ ഡോളർ. കഴിഞ്ഞ ദിവസം ബിറ്റ്കോയിെൻറ മൂല്യം പത്ത് ശതമാനം വർധിച്ച് റെക്കോർഡ് നിലയിലെത്തി. നിലവിൽ 2,235 ഡോളറിന് തുല്യമാണ് ഒരു ബിറ്റ്കോയിൻ നാണയം. ഇൗ വർഷം ആരംഭത്തിൽ 120 ശതമാനം വളർച്ച രേഖപ്പെടുത്തിയ ശേഷം ആഴ്ചാവസാനം ബിറ്റ്കോയിെൻറ മൂല്യം 2000 ഡോളർ മറികടന്നിരുന്നു.
കഴിഞ്ഞയാഴ്ച യു.എസ് പ്രസിഡൻറ് ഡൊണൾഡ് ട്രംപ് മുൻ ദേശീയ ഉപദേഷ്ടാവ് മൈക്കൽ ഫ്ലിന്നിെൻറ റഷ്യൻ ബന്ധത്തെ കുറിച്ചുള്ള അന്വേഷണം അവസാനിപ്പിക്കണമെന്ന് എഫ്.ബി.െഎ ഡയറക്ടർ ജെയിംസ് കോമിയോട് ആവശ്യപ്പെട്ടതായ ആരോപണം ഉയർന്നതിന് പിന്നാലെ ബിറ്റ്കോയിെൻറ മൂല്യം വർദ്ധിച്ചിരുന്നു. ഇതേതുടർന്ന് നിക്ഷേപകർ അമേരിക്കൻ ഡോളർ വിൽക്കുകയും ബിറ്റ്കോയിൻ വാങ്ങുകയും ചെയ്തു.
ഇടനിലക്കാരോ വിവിധ രാജ്യങ്ങളിലെ കേന്ദ്രബാങ്കുകളോ സർക്കാരുകളോ നിയന്ത്രിക്കാനില്ലാത്ത സ്വതന്ത്ര നാണയമായ ബിറ്റ്കോയിൻ ആഗോള സാമ്പത്തിക ബാങ്കിങ് തകർച്ചയുടെ നിരാശയിൽ നിന്നാണ് രൂപം കൊള്ളുന്നത്.
150 രാജ്യങ്ങളിലായി ദശലക്ഷക്കണക്കിന് കമ്പ്യൂട്ടർ ശ്യംഖലയെ അക്രമിച്ച വാണാ ക്രൈ റാൻസംവെയർ വൈറസുകൾക്ക് പിന്നിലെ ഹാക്കർമാർ നിയന്ത്രണത്തിലാക്കിയ ഫയലുകൾ തിരികെ നൽകാൻ ബിറ്റ്കോയിൻ വഴിയുള്ള മോചന ദ്രവ്യമായിരുന്നു ആവശ്യപ്പെട്ടിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.