വേ​ന​ൽ സം​ര​ക്ഷ​ണം കാ​ർ​ഷി​ക വി​ള​ക​ളി​ൽ

സം​സ്ഥാ​ന​ത്ത് വ​ര​ൾ​ച്ച രൂ​ക്ഷ​മാ​യി​ക്കൊ​ണ്ടി​രി​ക്കു​ക​യാ​ണ്. ജ​ല​വി​നി​യോ​ഗ​ത്തി​ൽ നാം ​മി​ത​വ്യ​യം പാ​ലി​ച്ചേ മ​തി​യാ​കൂ. ഏ​റ്റ​വും കൂ​ടു​ത​ൽ ജ​ല​വി​നി​യോ​ഗം വ​രു​ന്ന മേ​ഖ​ല​ക​ളി​ലൊ​ന്നാ​ണ് കാ​ർ​ഷി​ക​മേ​ഖ​ല.

എ​ന്നാ​ൽ, കൃ​ഷി മാ​റ്റി​നി​ർ​ത്തു​വാ​നും സാ​ധി​ക്കു​ക​യി​ല്ല. കാ​ര്യ​ക്ഷ​മ​മാ​യ ജ​ല ഉ​പ​യോ​ഗ​ത്തി​ലൂ​ടെ ജ​ല​ന​ഷ്ടം കു​റ​ച്ചു​കൊ​ണ്ട് ഉ​ൽ​പാ​ദ​ന​ക്ഷ​മ​ത നി​ല​നി​ർ​ത്തു​ക എ​ന്ന​താ​യി​രി​ക്ക​ണം ന​മ്മു​ടെ ല​ക്ഷ്യം. വ​ര​ൾ​ച്ചാ പ്ര​തി​രോ​ധ​ത്തി​നും ജ​ല​ന​ഷ്ടം കു​റ​ക്കു​ന്ന​തി​നും അ​നു​വ​ർ​ത്തി​ക്കേ​ണ്ട ചി​ല മാ​തൃ​ക​ക​ൾ പ​രി​ശോ​ധി​ക്കാം.

വ​ര​ൾ​ച്ച പ്ര​തി​രോ​ധ മാ​ർ​ഗ​ങ്ങ​ൾ

1. വ​ര​ൾ​ച്ച​യെ ചെ​റു​ക്കും ‘വാം’

​മൈ​ക്കോ​റൈ​സ എ​ന്ന ഒ​രു​ത​രം കു​മി​ളും ചെ​ടി​ക​ളു​ടെ വേ​രും ത​മ്മി​ലു​ള്ള ബ​ന്ധമാണ് വാം (​വെ​സി​ക്കു​ലാ​ർ ആ​ർ​ബ​സ്കു​ലാ​ർ മൈ​കോ​റൈ​സ) എ​ന്ന പേ​രി​ൽ അ​റി​യ​പ്പെ​ടു​ന്ന​ത്. ഇ​ത് പ്ര​ത്യേ​കം ക​ൾ​ച്ച​ർ രൂ​പ​ത്തി​ൽ ല​ഭ്യ​മാ​ണ്. പ​ച്ച​ക്ക​റി തൈ​ക​ൾ, വാ​ഴ, മ​റ്റു വി​ത്തു​ക​ൾ എ​ന്നി​വ ന​ടു​ന്ന​തി​ന് മു​മ്പ് അ​ൽ​പം ‘വാം ​ക​ൾ​ച്ച​ർ’ കു​ഴി​ക​ളി​ൽ ഇ​ട്ട​ശേ​ഷം ന​ടു​ന്ന​ത് ന​ല്ല​താ​ണ്.

‘വാം ​ക​ൾ​ച്ച​ർ’ ഇ​ടു​ന്ന അ​വ​സ​ര​ത്തി​ൽ മ​ണ്ണി​ൽ ഈ​ർ​പ്പം ഉ​ണ്ടാ​യി​രി​ക്ക​ണം. ചെ​ടി​ക​ൾ​ക്ക് ചു​വ​ട്ടി​ൽ പു​ത​യും ന​ൽ​ക​ണം. ആ​ഴ​ത്തി​ൽ വ​ള​രു​ന്ന ഈ ​കു​മി​ൾ വേ​രു​ക​ൾ ഭൂ​മി​ക്ക് അ​ടി​യി​ൽ​നി​ന്ന് ജ​ലം ആ​ഗി​ര​ണം ചെ​യ്ത് ചെ​ടി​ക​ളെ ഒ​രു പ​രി​ധി​വ​രെ വ​ര​ൾ​ച്ച​യി​ൽ​നി​ന്ന് പ്ര​തി​രോ​ധി​ച്ച് നി​ർ​ത്തു​ന്നു.

2. ജീ​വ​ലാ​യ​നി പി.​പി എ​ഫ്.​എം

ചെ​ടി​ക​ളു​ടെ വ​ള​ർ​ച്ച ത്വ​രി​ത​പ്പെ​ടു​ത്തു​വാ​ൻ ക​ഴി​വു​ള്ള​തും വ​ര​ൾ​ച്ച​യെ ഒ​രു പ​രി​ധി​വ​രെ ചെ​റു​ക്കു​ന്ന​തു​മാ​യ സൂ​ക്ഷ്മാ​ണു​ക​ളാ​ണ് പി​ങ്ക് പി​ഗ്മെ​ന്റ് ഫാ​ക്ക​ൽ​റ്റേ​റ്റി​വ് മെ​ത്തി​ലോ​ട്രോ​ഫ് എ​ന്ന​റി​യ​പ്പെ​ടു​ന്ന പി.​പി എ​ഫ്.​എം ബാ​ക്ടീ​രി​യ​ൽ ജീ​വാ​ണു​ക്ക​ൾ. ഇ​തി​ന്റെ ലാ​യ​നി ഒ​രു മി​ല്ലി ലി​റ്റ​ർ വെ​ള്ള​ത്തി​ൽ ക​ല​ർ​ത്തി ഇ​ല​ക​ളി​ൽ ത​ളി​ക്കാ​വു​ന്ന​താ​ണ്.

ന​ല്ല വ​ര​ണ്ട കാ​ലാ​വ​സ്ഥ​യി​ൽ 20 മി​ല്ലി​വ​രെ ഒ​രു ലി​റ്റ​ർ വെ​ള്ള​ത്തി​ൽ എ​ന്ന​തോ​തി​ൽ ഉ​പ​യോ​ഗി​ക്കാം. വൈ​കു​ന്നേ​ര​ങ്ങ​ളി​ലാ​ണ് ഇ​ത് പ്ര​യോ​ഗി​ക്കേ​ണ്ട​ത്. ത​മി​ഴ്നാ​ട് കാ​ർ​ഷി​ക സ​ർ​വ​ക​ലാ​ശാ​ല​യി​ൽ ഇ​തി​ന്റെ ഉ​ൽ​പാ​ദ​ന​മു​ണ്ട്.

3. ചാ​ണ​ക സ്ല​റി

ചാ​ണ​ക സ്ല​റി വ​ള​രെ നേ​ർ​പ്പി​ച്ച് ഇ​ല​ക​ളി​ൽ ത​ളി​ക്കു​ന്ന​ത് വ​ര​ൾ​ച്ചാ പ്ര​തി​രോ​ധ​ത്തി​ന് ഉ​ത്ത​മ​മാ​ണ്. ഇ​തി​നാ​യി പ്ര​ത്യേ​ക രീ​തി​യി​ൽ സ്ല​റി ത​യാ​റാ​ക്കി​യെ​ടു​ക്കാം. ചാ​ണ​ക​വും ശ​ർ​ക്ക​ര​യും ചേ​ർ​ത്താ​ണ് ഈ ​കൂ​ട്ട് നി​ർ​മി​ക്കു​ന്ന​ത്.

40 കി​ലോ ചാ​ണ​ക​വും നാലു ലി​റ്റ​ർ ക​ഞ്ഞി​വെ​ള്ള​വും ര​ണ്ട് കി​ലോ ശ​ർ​ക്ക​ര​യും ന​ന്നാ​യി ക​ല​ർ​ത്തി ഒ​രു ച​ണ​ച്ചാ​ക്കി​ൽ നി​റ​ച്ച് 200 ലി​റ്റ​ർ ശേ​ഷി​യു​ള്ള ഒ​രു ബാ​ര​ലി​ൽ മു​ക്കാ​ൽ​ഭാ​ഗം വെ​ള്ളം നി​റ​ച്ച് മു​ങ്ങി​ക്കി​ട​ക്കു​ന്ന വി​ധം തൂ​ക്കി​യി​ടു​ക. ര​ണ്ട് ദി​വ​സം പു​ളി​പ്പി​ച്ച​ശേ​ഷം ലാ​യ​നി അ​രി​ച്ചെ​ടു​ത്ത് 10 ശ​ത​മാ​നം വീ​ര്യ​ത്തി​ൽ ചെ​ടി​ക​ളി​ൽ ത​ളി​ക്കാം. സ്യൂ​ഡോ​മോ​ണാ​സ് കൂ​ടി ഇ​തോ​ടൊ​പ്പം ക​ല​ർ​ത്തി (20 ഗ്രാം ​ഒ​രു ലി​റ്റ​റി​ൽ) ത​ളി​ക്കു​ന്ന​ത് അ​ത്യു​ത്ത​മം.

4. ജ​ല​ത്തി​ന് തി​രി ന​ന

ജ​ല​ത്തി​ന്റെ അ​ള​വ് പ​ര​മാ​വ​ധി കു​റ​ച്ച്, അ​തേ​സ​മ​യം സ​സ്യ​ങ്ങ​ൾ​ക്ക് യ​ഥേ​ഷ്ടം ജ​ലം ഉ​റ​പ്പു​വ​രു​ത്തു​ക​യും ചെ​യ്യു​ന്ന സം​വി​ധാ​ന​മാ​ണ് തി​രി ന​ന. പ​ച്ച​ക്ക​റി​ക​ൾ​ക്കാ​ണ് ഇ​ത് കൂ​ടു​ത​ൽ ഫ​ല​പ്ര​ദം. ന​ടീ​ൽ മി​ശ്രി​തം നി​റ​ച്ച ചാ​ക്കി​ന് ചു​വ​ട്ടി​ൽ​കൂ​ടി പ്ര​ത്യേ​ക ത​രം തി​രി ക​ട​ത്തി​വെ​ക്കു​ന്നു. തി​രി​യു​ടെ ഒ​ര​ഗ്രം ജ​ല​ത്തി​ലും ഇ​റ​ക്കി​വെ​ക്കു​ന്നു. ചെ​ടി​ക​ൾ ആ​വ​ശ്യാ​നു​സ​ര​ണം താ​ഴെ​യു​ള്ള ജ​ല​സ്രോ​ത​സ്സി​ൽ​നി​ന്ന് തി​രി​വ​ഴി ജ​ലം വ​ലി​ച്ചെ​ടു​ക്കു​ക​യാ​ണ് ചെ​യ്യു​ന്ന​ത്.

5. ജ​ലം ക്യാ​പ്സൂ​ൾ രൂ​പ​ത്തി​ലും

ഭാ​ര​തീ​യ കാ​ർ​ഷി​ക ഗ​വേ​ഷ​ണ കേ​ന്ദ്രം വി​ക​സി​പ്പി​ച്ചെ​ടു​ത്ത പു​തി​യ​ സാ​ങ്കേ​തി​ക​വി​ദ്യ​യാ​ണ് ഹൈ​ഡ്രോ​ജെ​ൽ ക്യാ​പ്സൂ​ൾ. മ​ണ്ണി​ലെ ജ​ലാം​ശം സം​ഭ​രി​ച്ചു​വെ​ച്ച് വ​ര​ൾ​ച്ച ഘ​ട്ട​ങ്ങ​ളി​ൽ ചെ​ടി​ക​ളു​ടെ വേ​രു​പ​ട​ല​ങ്ങ​ളി​ൽ ഈ​ർ​പ്പം ന​ൽ​കു​ന്ന സം​വി​ധാ​ന​മാ​ണിത്. തൈ​ക​ൾ ന​ടു​ന്ന​തി​നൊ​പ്പം 5 -10 ഗ്രാം ​ഹൈ​ഡ്രോ​ജെ​ൽ (പൊ​ടി രൂ​പ​ത്തി​ലു​ള്ള​വ/ ക്യാ​പ്സ്യൂ​ൾ) മ​ണ്ണി​ൽ ചേ​ർ​ത്തു കൊ​ടു​ക്കാ​വു​ന്ന​താ​ണ്. പ​ട്ടാ​മ്പി​ കൃ​ഷി​വി​ജ്ഞാ​ന​കേ​ന്ദ്രം വ​ഴി ഇ​ത് വാ​ങ്ങാ​വു​ന്ന​താ​ണ്.

പൊ​തു നി​ർ​ദേ​ശ​ങ്ങ​ൾ

• വെള്ളം ആ​വ​ശ്യ​ത്തി​നു​മാ​ത്രം ന​ൽ​കു​ക. രാ​വി​ലെ​യോ വൈ​കു​ന്നേ​ര​ങ്ങ​ളി​ലോ മാ​ത്ര​മാ​യി ജ​ല​സേ​ച​നം ക്ര​മ​പ്പെ​ടു​ത്തു​ക.
• ചെ​ടി​ക​ളു​ടെ ചു​വ​ട്ടി​ൽ മാ​ത്രം ജ​ല​സേ​ച​നം ചെ​യ്യു​ന്ന​ത് ജ​ല​ന​ഷ്ടം കു​റ​യ്ക്കും.
• ചെ​ടി​ക​ൾ​ക്ക് ചു​വ​ട്ടി​ൽ ജൈ​വ പു​ത​പ്പ് ഉ​റ​പ്പാ​ക്കു​ക.

വേ​ണം ജ​ല​ന​ഷ്ടം കു​റ​യ്ക്കു​ന്ന മാ​ർ​ഗ​ങ്ങ​ൾ 

കൃ​ഷി​യി​ട​ത്തി​ൽ ജ​ല​ന​ഷ്ടം കു​റ​യ്ക്കു​ന്ന​തി​നാ​യി അ​നു​വ​ർ​ത്തി​ക്കേ​ണ്ട ഏ​താ​നും ചി​ല രീ​തി​ക​ൾ പ​രി​ശോ​ധി​ക്കാം. ഇ​വ ജ​ല​ന​ഷ്ടം കു​റ​യ്ക്കു​ന്ന​തി​നൊ​പ്പം ജ​ല​ത്തി​ന്റെ കാ​ര്യ​ക്ഷ​മ​മാ​യ ഉ​പ​യോ​ഗ​വും ഉ​റ​പ്പാ​ക്കു​ന്നു.

1. ഓ​ട്ടോ​മാ​റ്റി​ക് ഡ്രി​പ് സി​സ്റ്റം

മ​ട്ടു​പ്പാ​വി​ലും മ​റ്റു കൃ​ഷി ചെ​യ്യു​ന്ന ഇ​ട​ങ്ങ​ളി​ലും അ​നു​വ​ർ​ത്തി​ക്കാ​ൻ പ​റ്റി​യ രീ​തി​യാ​ണ് ഓ​ട്ടോ​മാ​റ്റി​ക് ഡ്രി​പ് സി​സ്റ്റം. പ​ച്ച​ക്ക​റി വി​ള​ക​ൾ​ക്ക് ഒ​രു​ദി​വ​സം ആ​വ​ശ്യ​മാ​യ ജ​ലം മാ​ത്രം ഡ്രി​പ് സം​വി​ധാ​ന​ത്തി​ലൂ​ടെ ചെ​ടി​ക​ളു​ടെ വേ​ര് പ​ട​ല​ത്തി​ലേ​ക്ക് ന​ൽ​കു​ന്ന രീ​തി​യാ​ണി​ത്. ജ​ല​സേ​ച​ന ഇ​ട​വേ​ള​ക​ൾ ടൈ​മ​റി​ൽ ക്ര​മീ​ക​രി​ച്ച് ത​വ​ണ​ക​ളാ​യി ജ​ലം ന​ൽ​കാ​വു​ന്ന​താ​ണ്.

2. തൊ​ണ്ട് അ​ടു​ക്ക​ൽ

ദീ​ർ​ഘ​കാ​ലം ഈ​ർ​പ്പം നി​ല​നി​ർ​ത്തു​വാ​ൻ ഫ​ല​പ്ര​ദ​മാ​യ രീ​തി. തെ​ങ്ങ് അ​ല്ലെ​ങ്കി​ൽ മ​റ്റു വൃ​ക്ഷ​ങ്ങ​ൾ​ക്ക് ചു​റ്റും അ​ര​മീ​റ്റ​ർ വീ​തി​യി​ലും താ​ഴ്ച​യി​ലും ചാ​ലു​ക​ൾ കീ​റി മൂ​ന്നോ നാ​ലോ അ​ടു​ക്കു​ക​ളാ​യി തൊ​ണ്ടു​ക​ൾ മ​ല​ർ​ത്തി​വെ​ച്ച് മ​ണ്ണി​ട്ട് മൂ​ടു​ക​യും ഏ​റ്റ​വും മു​ക​ളി​ല​ത്തെ അ​ടു​ക്ക് ക​മി​ഴ്ത്തി​യും വെ​ച്ച് ഇ​ത് പൂ​ർ​ത്തി​യാ​ക്കാം. വ​ർ​ഷ​ങ്ങ​ളോ​ളം ഇ​തി​ന്റെ ഫ​ലം നി​ല​നി​ൽ​ക്കും.

3. ആ​വ​ര​ണ വി​ള​ക​ൾ

വാ​ഴ ഉ​ൾ​പ്പെ​ടെ പ​ല കാ​ർ​ഷി​ക വി​ള​ക​ൾ​ക്കും ത​ട​ത്തി​ൽ പ​യ​ർ​വി​ള​ക​ൾ ആ​വ​ര​ണ​മാ​യി വ​ള​ർ​ത്തി പു​ത​യി​ടീ​ൽ സാ​ധ്യ​മാ​ക്കാം. വ​ൻ​പ​യ​ർ, ചെ​റു​പ​യ​ർ മു​തി​ര, ഉ​ഴു​ന്ന് എ​ന്നി​വ​യെ​ല്ലാം ത​ന്നെ ഇ​തി​ന് യോ​ജി​ച്ച​താ​ണ്. പ​യ​ർ വി​ത്തു​ക​ൾ വ​ള​ർ​ത്തു​ന്ന​തി​നൊ​പ്പം ക​രി​യി​ല​ക​ൾ​കൊ​ണ്ട് പു​ത​യി​ട്ടു കൊ​ടു​ത്താ​ൽ വ​ള​രെ ന​ല്ല​ത്. കി​ളി​ർ​ത്തു​വ​രു​ന്ന പ​യ​ർ വി​ത്തു​ക​ൾ പി​ന്നീ​ട് ഒ​രു ആ​വ​ര​ണ​മാ​യി നി​ല​വി​ലു​ള്ള ജൈ​വ പു​ത​യ്ക്കൊ​പ്പം വ​ള​ർ​ന്നു​കൊ​ള്ളും.

പോ​ഷ​ക ല​ഭ്യ​ത അ​തി​പ്ര​ധാ​നം

ജ​ല​ദൗ​ർ​ല​ഭ്യം ഉ​ൽ​പാ​ദ​ന​ത്തെ സാ​ര​മാ​യി ബാ​ധി​ക്കാ​റു​ണ്ട്. ഇ​തി​നെ​തി​രെ സ​സ്യ​ങ്ങ​ളു​ടെ വ​ള​ർ​ച്ച​ഘ​ട്ട​ങ്ങ​ളി​ൽ പ​ത്ര പോ​ഷ​ണം വ​ഴി പ്ര​ധാ​ന​പ്പെ​ട്ട ചി​ല മൂ​ല​ക​ങ്ങ​ൾ ന​ൽ​കു​ന്ന​ത് ഗു​ണ​പ്ര​ദ​മാ​യി​രി​ക്കും.

1. ശ​ത​മാ​നം വീ​ര്യ​ത്തി​ൽ സ​ൾ​ഫേ​റ്റ് ഓ​ഫ് പൊ​ട്ടാ​ഷ് അ​ല്ലെ​ങ്കി​ൽ മ്യൂ​രി​യേ​റ്റ് ഓ​ഫ് പൊ​ട്ടാ​ഷ് ത​ളി​ക്കാ​വു​ന്ന​താ​ണ്.

2. ശ​ത​മാ​നം വീ​ര്യ​ത്തി​ൽ ഡൈ ​അ​മോ​ണി​യം ഫോ​സ്ഫേ​റ്റ് പ്ര​യോ​ഗി​ക്കാം.

3. 0.5 ശ​ത​മാ​നം സി​ങ്ക് സ​ൾ​ഫേ​റ്റ്, 0.3 ശ​ത​മാ​നം ബോ​റി​ക് ആ​സി​ഡ്, 0.5 ശ​ത​മാ​നം ഫെ​റ​സ് സ​ൾ​ഫേ​റ്റ്, 1 ശ​ത​മാ​നം യൂ​റി​യ എ​ന്നി​വ​യു​ടെ മി​ശ്രി​തം നി​ർ​ണാ​യ​ക വ​ള​ർ​ച്ച ഘ​ട്ട​ങ്ങ​ളി​ൽ ഇ​ല​ക​ളി​ൽ ത​ളി​ക്കു​ക.

(ഫാം ​ഇ​ൻ​ഫ​ർ​മേ​ഷ​ൻ ബ്യൂ​റോ, അ​ഗ്രി​ക​ൾ​ച്ച​ർ ഓ​ഫി​സറാണ് ലേഖകൻ)