'അങ്ങനെ അവർ ഇവിടെയുമെത്തി'; തേങ്ങക്ക് വില ഉയരുന്നതിനിടെ കേരകർഷകർക്ക് പണി കൊടുക്കാൻ വെ​ള്ള​യ്ക്ക തു​ര​പ്പ​ൻ പു​ഴു

കോ​ട്ട​യം: തേങ്ങക്ക് വില കുതിക്കുമ്പോൾ കേരകർഷകർക്ക് പണി കൊടുക്കാൻ എത്തിയിരിക്കുകയാണ് വെ​ള്ള​യ്ക്ക തു​ര​പ്പ​ൻ പു​ഴു. പു​ഴു​ക്ക​ളു​ടെ ആ​ക്ര​മ​ണം പലയിടങ്ങളിലും വർധിക്കുകയാണ്. നാ​ളി​കേ​ര​ത്തി​ന്​ വി​ല​വ​ർ​ധി​ച്ചി​രി​ക്കു​ന്ന ഈ ​സാ​ഹ​ച​ര്യ​ത്തി​ൽ വെ​ള്ള​ക്ക പ​രു​വ​ത്തി​ൽ അ​വ​യെ ന​ശി​പ്പി​ക്കു​ന്ന പു​ഴു​ക്ക​ളു​ടെ വി​ള​യാ​ട്ടം കേ​ര ക​ർ​ഷ​ക​ർ​ക്ക്​ ത​ല​വേ​ദ​ന​യാ​യി തീ​ർ​ന്നി​ട്ടു​ണ്ട്​. ര​ണ്ടി​ഞ്ച്​ വ​ലി​പ്പ​മു​ള്ള പു​ഴു​ക്ക​ൾ വെ​ള്ള​ക്ക തു​ര​ന്ന് കാ​മ്പ് വ്യാ​പ​ക​മാ​യി ന​ശി​പ്പി​ക്കു​ക​യാ​ണ്.

സാ​ധാ​ര​ണ ക​ർ​ണാ​ട​ക​യി​ലെ മൈ​സൂ​രു, മാ​ണ്ഡ്യ തു​ട​ങ്ങി​യി​ട​ങ്ങ​ളി​ലാ​ണ് ഇ​ത്ത​രം പു​ഴു​ക്ക​ളെ കാ​ണു​ന്ന​തെ​ന്ന്​ ക​ർ​ഷ​ക​ർ പ​റ​യു​ന്നു. വ​ർ​ഷ​ങ്ങ​ൾ​ക്ക്​ മു​മ്പ്​ ഇ​വ​യു​ടെ സാ​ന്നി​ധ്യം ചി​ല​യി​ട​ങ്ങ​ളി​ൽ ക​ണ്ടെ​ങ്കി​ലും കു​റേ​നാ​ളാ​യി വ​ലി​യ പ്ര​ശ്ന​മു​ണ്ടാ​യി​രു​ന്നി​ല്ല. എ​ന്നാ​ൽ ഇ​പ്പോ​ൾ വീ​ണ്ടും അ​വ​യു​ടെ ശ​ല്യം വ്യാ​പി​ച്ചി​രി​ക്കു​ക​യാ​ണെ​ന്ന്​ അ​വ​ർ പ​റ​ഞ്ഞു. പ​ല​യി​ട​ങ്ങ​ളി​ലും വെ​ള്ള​ക്ക വ്യാ​പ​ക​മാ​യി ന​ശി​ച്ച​തോ​ടെ ക​ർ​ഷ​ക​ർ ന​ട​ത്തി​യ പ​രി​ശോ​ധ​ന​യി​ലാ​ണ് പു​ഴു​ക്ക​ളു​ടെ സാ​ന്നി​ധ്യം തിരിച്ചറിഞ്ഞത്.

മു​ൻ​ഭാ​ഗ​ത്ത്​ ഓ​റ​ഞ്ച് ക​ല​ർ​ന്ന ബ്രൗ​ൺ നി​റ​വും പി​ൻ​ഭാ​ഗ​ത്ത്​ ത​വി​ട്ടു ക​ല​ർ​ന്ന ക​റു​പ്പു നി​റ​ത്തോ​ടെ​യും കൂ​ടി​യ​താ​ണ്​ പു​ഴു. മു​ൻ ചി​റ​കു​ക​ളി​ൽ മ​ധ്യ​ഭാ​ഗ​ത്താ​യി ക​റു​ത്ത നി​റ​ത്തി​ലു​ള്ള പൊ​ട്ടും കാ​ണാം. ‘സൈ​ക്ലോ​ഡ​സ് ഒ​മ്മ’ എ​ന്ന ശാ​സ്ത്രീ​യ​നാ​മ​ത്തി​ലാ​ണ് ഇ​വ അ​റി​യ​പ്പെ​ടു​ന്ന​ത്.

തെ​ങ്ങി​ൽ മാ​ത്ര​മ​ല്ല തെ​ങ്ങി​ന്റെ കു​ടും​ബ​ത്തി​ൽ​പെ​ടു​ന്ന മ​റ്റു വൃ​ക്ഷ​ങ്ങ​ളെ​യും ഇ​വ ആ​ക്ര​മി​ക്കും. വെ​ള്ള​യ്ക്ക പൂ​ർ​ണ​മാ​യും തു​ര​ന്നു​ന​ശി​പ്പി​ക്കു​ന്ന​താ​ണ്​ ഇ​തി​ന്‍റെ രീ​തി. 2021 ൽ ​ക​ടു​ത്തു​രു​ത്തി, ക​ല്ല​റ ഭാ​ഗ​ങ്ങ​ളി​ൽ ഇ​വ​യു​ടെ ശ​ല്യം രൂ​ക്ഷ​മാ​യി​രു​ന്നു. എ​ന്നാ​ൽ ഇ​പ്പോ​ൾ ജി​ല്ല​യി​ലെ പ​ല ഭാ​ഗ​ങ്ങ​ളി​ലും ഇ​വ​യു​ടെ സാ​ന്നി​ധ്യ​മു​ണ്ട്​. തേ​ങ്ങാ​കു​ല​ക​ളി​ലെ മു​ഴു​വ​ൻ വെ​ള്ള​യ്ക്ക​യും ഇ​വ ന​ശി​പ്പി​ക്കു​ക​യാ​ണ്.

നാ​ളി​കേ​ര വി​ല കി​ലോ​ക്ക് 65 രൂ​പ​യു​ടെ കു​തി​പ്പി​ലാ​ണെ​ങ്കി​ലും ഉ​ൽ​പാ​ദ​ന​ക്കു​റ​വ് കാ​ര​ണം ക​ർ​ഷ​ക​ർ​ക്ക് നേ​ട്ട​മി​ല്ലാതാകുന്ന അവസ്ഥയുമുണ്ട്. കോഴിക്കോട്ടെ മ​ല​യോ​ര മേ​ഖ​ല​യി​ൽ നാ​ളി​കേ​ര ഉ​ൽ​പാ​ദ​നം ക​ഴി​ഞ്ഞ അ​ഞ്ചു​വ​ർ​ഷ​ത്തി​നി​ടെ ഗ​ണ്യ​മാ​യി കു​റ​ഞ്ഞി​ട്ടു​ണ്ട്. ഉ​ൽ​പാ​ദ​ന​ക്കു​റ​വ് കാ​ര​ണം ഇ​പ്പോ​ഴ​ത്തെ മി​ക​ച്ച വി​ല പോ​ലും ക​ർ​ഷ​ക​ർ​ക്ക് മി​ക​വാ​യി മാ​റു​ന്നി​ല്ല. പലയിടങ്ങളിലും മ​ഞ്ഞ​ളി​പ്പ് ഉ​ൾ​പ്പെ​ടെ​യു​ള്ള രോ​ഗ​ബാ​ധ​യി​ൽ തെ​ങ്ങ് കൃ​ഷി ന​ശി​ച്ചു​കൊ​ണ്ടി​രി​ക്കു​ക​യാ​ണ്.

രോ​ഗ​ബാ​ധ​യെ പ്ര​തി​രോ​ധി​ക്കാ​ൻ ക​ർ​ഷ​ക​ർ​ക്ക് ക​ഴി​യു​ന്നു​മി​ല്ല. തെ​ങ്ങി​ന് രോ​ഗം ബാ​ധി​ച്ച് ക​ണ്ണീ​രി​ലാ​യ ക​ർ​ഷ​ക​രെ സം​ര​ക്ഷി​ക്കാ​ൻ സം​സ്ഥാ​ന കൃ​ഷി വ​കു​പ്പി​ന് ഫ​ല​പ്ര​ദ​മാ​യ പ​ദ്ധ​തി​ക​ളൊ​ന്നു​മി​ല്ല. കൃ​ഷി വ​കു​പ്പ് ഉ​ദ്യോ​ഗ​സ്ഥ​രു​ടെ കൃ​ഷി​യി​ട സ​ന്ദ​ർ​ശ​ന​ത്തി​ലൊ​തു​ങ്ങു​ന്ന​താ​ണ് പ്ര​തി​രോ​ധ ന​ട​പ​ടി​ക​ൾ.