ബംഗളൂരു: മുൻ കർണാടക മുഖ്യമന്ത്രി ബി.എസ് യെദിയൂരപ്പയുടെ മകൻ ബി.വൈ വിജയേന്ദ്ര കർണാടക ബി.ജെ.പി അധ്യക്ഷനാകും. നളീൻ കുമാർ കട്ടീലിന് പകരക്കാരനായാണ് വിജയേന്ദ്ര യെദിയൂരപ്പയെത്തുക. ബി.ജെ.പി ദേശീയ അധ്യക്ഷൻ ജെ.പി നദ്ദയാണ് ഇതുമായി ബന്ധപ്പെട്ട പ്രസ്താവന പുറത്തിറക്കിയത്.
നിലവിലെ ബി.ജെ.പി കർണാടക വൈസ് പ്രസിഡന്റ് വിജയേന്ദ്രയെ പുതിയ സംസ്ഥാന അധ്യക്ഷനായി നിയമിക്കുന്നുവെന്ന് നദ്ദയുടെ പ്രസ്താവന പറയുന്നു. അടുത്ത വർഷം ലോക്സഭ തെരഞ്ഞെടുപ്പ് നടക്കാനിരിക്കെയാണ് കർണാടക ബി.ജെ.പിയിൽ നിർണായക മാറ്റം.
വിജയേന്ദ്രക്കൊപ്പം സി.ടി രവി, സുനിൽ കുമാർ, ബാസഗൗഡ പാട്ടീൽ എന്നിവരും സംസ്ഥാന അധ്യക്ഷനാവാൻ മുൻപന്തിയിലുണ്ടായിരുന്നു. ശിവമോഗ്ഗയിലെ ശികാരിപുരയിൽ നിന്നുള്ള എം.എൽ.എയാണ് വിജയേന്ദ്ര.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.