അതിർത്തിയിൽ സമാധാനം: ഡോവൽ ചൈനീസ് വിദേശകാര്യ മന്ത്രിയെ കണ്ടു

ബെ​യ്ജി​ങ്: അ​തി​ർ​ത്തി​യി​ൽ സ​മാ​ധാ​നം നി​ല​നി​ർ​ത്തു​ക​യും കി​ഴ​ക്ക​ൻ ല​ഡാ​ക്കി​ലെ കൈ​യേ​റ്റ​ത്തി​ന്റെ പേ​രി​ൽ നാ​ലു​വ​ർ​ഷ​മാ​യി പ്ര​തി​സ​ന്ധി​യി​ലാ​യ ഉ​ഭ​യ​ക​ക്ഷി ബ​ന്ധം പു​നഃ​സ്ഥാ​പി​ക്ക​ലും ല​ക്ഷ്യ​മി​ട്ട് ദേ​ശീ​യ സു​ര​ക്ഷ ഉ​പ​ദേ​ഷ്ടാ​വ് അ​ജി​ത് ഡോ​വ​ൽ ചൈ​ന​യി​ൽ. അ​ഞ്ചു വ​ർ​ഷ​ത്തി​നു ശേ​ഷം ആ​ദ്യ​മാ​യി ന​ട​ക്കു​ന്ന പ്ര​ത്യേ​ക പ്ര​തി​നി​ധി​ത​ല ച​ർ​ച്ച​ക​ൾ​ക്കു​ള്ള ഇ​ന്ത്യ​ൻ സം​ഘ​ത്തെ ന​യി​ച്ചാ​ണ് ഡോ​വ​ൽ ബെ​യ്ജി​ങ്ങി​ലെ​ത്തി​യ​ത്. അ​വ​സാ​ന ച​ർ​ച്ച 2019ൽ ​ഡ​ൽ​ഹി​യി​ലാ​ണ് ന​ട​ന്ന​ത്.

കി​ഴ​ക്ക​ൻ ല​ഡാ​ക്കി​ൽ​നി​ന്ന് സൈ​നി​ക പി​ന്മാ​റ്റ​ത്തി​ന് ഒ​ക്ടോ​ബ​ർ 21ന് ​ധാ​ര​ണ​യാ​യ പ​ശ്ചാ​ത്ത​ല​ത്തി​ലാ​ണ് തു​ട​ർ​വി​ഷ​യ​ങ്ങ​ൾ ച​ർ​ച്ച ചെ​യ്യു​ന്ന ഉ​ന്ന​ത​ത​ല യോ​ഗം. പൊ​തു ധാ​ര​ണ​ക​ളു​ടെ അ​ടി​സ്ഥാ​ന​ത്തി​ലു​ള്ള ഉ​ത്ത​ര​വാ​ദി​ത്ത​ങ്ങ​ൾ പാ​ലി​ക്കു​ന്നു​വെ​ന്ന് ഉ​റ​പ്പാ​ക്കാ​ൻ ഇ​ന്ത്യ​യു​മാ​യി ചേ​ർ​ന്ന് പ്ര​വ​ർ​ത്തി​ക്കാ​ൻ സ​ന്ന​ദ്ധ​മാ​ണെ​ന്ന് നേ​ര​ത്തേ ചൈ​ന പ്ര​ത്യാ​ശ പ്ര​ക​ടി​പ്പി​ച്ചി​രു​ന്നു. ഒ​ക്ടോ​ബ​ർ 24ന് ​റ​ഷ്യ​യി​ലെ ക​സാ​നി​ൽ ബ്രി​ക്സ് ഉ​ച്ച​കോ​ടി​ക്കി​ടെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ചൈ​നീ​സ് പ്ര​സി​ഡ​ന്റ് ഷി ​ജി​ൻ​പി​ങ്ങും ത​മ്മി​ലെ കൂ​ടി​ക്കാ​ഴ്ച​യി​ൽ ഇ​തു​സം​ബ​ന്ധി​ച്ച് ധാ​ര​ണ​യി​ലെ​ത്തി​യി​രു​ന്നു.

അ​തി​ർ​ത്തി​യി​ൽ സ​മാ​ധാ​നം പാ​ലി​ക്കു​ന്ന​തി​നൊ​പ്പം അ​ത് ശാ​ശ്വ​ത​മാ​ക്കാ​ൻ പ​ര​സ്പ​ര സ​മ്മ​ത​ത്തോ​ടെ പ​രി​ഹാ​രം ക​ണ്ടെ​ത്താ​നും ഉ​ന്ന​ത​ത​ല ച​ർ​ച്ച​ക​ളി​ൽ ശ്ര​മം ന​ട​ക്കും. മോ​ദി- ജി​ൻ​പി​ങ് കൂ​ടി​​ക്കാ​ഴ്ച​ക്ക് ശേ​ഷം ഇ​രു രാ​ജ്യ​ങ്ങ​ളു​ടെ​യും വി​ദേ​ശ​കാ​ര്യ മ​ന്ത്രി​മാ​രും സം​ഭാ​ഷ​ണം ന​ട​ത്തി​യി​രു​ന്നു.

2020ലാ​ണ് കി​ഴ​ക്ക​ൻ ല​ഡാ​ക്കി​ലെ യ​ഥാ​ർ​ഥ നി​യ​ന്ത്ര​ണ രേ​ഖ​യി​ൽ ചൈ​നീ​സ് കൈ​യേ​റ്റ​ത്തെ തു​ട​ർ​ന്ന് സം​ഘ​ർ​ഷം ​പൊ​ട്ടി​പ്പു​റ​പ്പെ​ട്ട​ത്. ഗ​ൽ​വാ​ൻ താ​ഴ്വ​ര​യി​ൽ ന​ട​ന്ന സം​ഘ​ട്ട​നം ഇ​രു രാ​ജ്യ​ങ്ങ​ൾ​ക്കു​മി​ട​യി​ലെ ബ​ന്ധ​ങ്ങ​ൾ വ​ഷ​ളാ​ക്കി​യി​രു​ന്നു.