സിന്ധു നദിയിൽ ഇന്ത്യയുടെ ഏത് നിർമിതിയും ആക്രമിക്കുമെന്ന് പാക് മന്ത്രി; പരമ്പരാഗത ആയുധങ്ങളും അണവായുധങ്ങളും പ്രയോഗിക്കുമെന്ന് മുന്നറിയിപ്പ്

ക​റാ​ച്ചി: സി​ന്ധു ന​ദി​യി​ൽ ജ​ലം ത​ട​സ്സ​പ്പെ​ടു​ത്തി ഇ​ന്ത്യ നി​ർ​മി​ക്കു​ന്ന ഏ​തു​ത​രം നി​ർ​മി​തി​യും ആ​ക്ര​മി​ക്കു​മെ​ന്ന ഭീ​ഷ​ണി​യു​മാ​യി പാ​ക് പ്ര​തി​രോ​ധ​മ​ന്ത്രി ഖ്വാ​ജ ആ​സി​ഫ്.

‘ഇ​ത്ത​രം നി​ർ​മി​തി​ക​ൾ സി​ന്ധു ജ​ല ക​രാ​റി​ന്റെ ലം​ഘ​ന​വും പാ​കി​സ്താ​നെ​തി​രാ​യ ക​ട​ന്നു​ക​യ​റ്റ​വു​മാ​ണ്. വെ​ടി​യു​ണ്ട പാ​യി​ക്ക​ൽ മാ​ത്ര​മ​ല്ല അ​തി​ക്ര​മം. അ​തി​ലൊ​ന്നാ​ണ് ജ​ലം ത​ട​സ്സ​​പ്പെ​ടു​ത്ത​ൽ. അ​ത് ദാ​ഹ​വും വി​ശ​പ്പും മൂ​ലം മ​ര​ണ​ത്തി​നി​ട​യാ​ക്കും. ക​രാ​ർ ലം​ഘി​ക്ക​ൽ ഇ​ന്ത്യ​ക്ക് എ​ളു​പ്പ​മാ​കി​ല്ല. വി​ഷ​യ​ത്തി​ൽ പാ​കി​സ്താ​ൻ ബ​ന്ധ​പ്പെ​ട്ട ക​ക്ഷി​ക​ളെ സ​മീ​പി​ക്കും. പ​ഹ​ൽ​ഗാം ഭീ​ക​രാ​ക്ര​മ​ണ​ത്തി​ന്റെ പേ​രി​ൽ ഇ​ന്ത്യ അ​ക്ര​മി​ച്ചാ​ൽ സ​മ്പൂ​ർ​ണ തി​രി​ച്ച​ടി ന​ട​ത്തും’-​ഖ്വാ​ജ ആ​സി​ഫ് കൂ​ട്ടി​ച്ചേ​ർ​ത്തു.

‘പാ​കി​സ്താ​നി​ൽ ചി​ല മേ​ഖ​ല​ക​ൾ ആ​ക്ര​മി​ക്കാ​ൻ തീ​രു​മാ​ന​മെ​ടു​ത്ത​താ​യി ചി​ല ചോ​ർ​ന്നു​കി​ട്ടി​യ രേ​ഖ​ക​ൾ സൂ​ചി​പ്പി​ക്കു​ന്നു. ആ​ക്ര​മ​ണം സം​ഭ​വി​ക്കു​മെ​ന്നും ആ​സ​ന്ന​മാ​ണെ​ന്നും തോ​ന്നു​ന്നു. പാ​കി​സ്താ​ൻ ഇ​തി​നെ​തി​രെ പൂ​ർ​ണ ശ​ക്തി​യു​പ​യോ​ഗി​ച്ച് തി​രി​ച്ച​ടി​ക്കും. പ​ര​മ്പ​രാ​ഗ​ത ആ​യു​ധ​ങ്ങ​ളും അ​ണ​വാ​യു​ധ​ങ്ങ​ളും പ്ര​യോ​ഗി​ക്കും’- മ​ന്ത്രി കൂ​ട്ടി​ച്ചേ​ർ​ത്തു. 

അതേസമയം,  26 പേർ കൊല്ലപ്പെട്ട പഹൽഗാം ഭീകരാക്രമണത്തിന് മറുപടിയായി പാകിസ്താന് തക്കതായ തിരിച്ചടി നൽകുമെന്ന് കേന്ദ്ര പ്രതിരോധ മന്ത്രി രാജ്നാഥ് സിങ്. പ്രതിരോധ മന്ത്രിയെന്ന നിലയിൽ തന്‍റെ ഉത്തരവാദിത്തമാണ് ഇന്ത്യയെ ആക്രമിക്കുന്നവർക്ക് ശക്തമായ തിരിച്ചടി നൽകുകയെന്നത്. അതിർത്തി കാക്കുന്ന സൈനികർക്ക് പൂർണ്ണ പിന്തുണയെന്നും അദ്ദേഹം പറഞ്ഞു.

നമ്മുടെ പ്രധാനമന്ത്രിയെ നിങ്ങള്‍ക്ക് നന്നായി അറിയാം, അദ്ദേഹത്തിന്റെ പ്രവര്‍ത്തന ശൈലി, ദൃഢനിശ്ചയം എന്നിവ നിങ്ങള്‍ക്ക് പരിചിതമാണ്. മോദിയുടെ നേതൃത്വത്തില്‍ നിങ്ങള്‍ ആഗ്രഹിക്കുന്നത് തീര്‍ച്ചയായും സംഭവിക്കും - സംസ്‌കൃതി ജാഗരണ്‍ മഹോത്സവത്തെ അഭിസംബോധന ചെയ്തുകൊണ്ട് സംസാരിക്കവേ പ്രതിരോധ മന്ത്രി പറഞ്ഞു.