റഫീഖ്​ ഹരീരി വധം: ഹിസ്​ബുല്ല നേതാക്കളിൽ ഒരാൾ കുറ്റക്കാരൻ, മൂന്ന്​ ​േപരെ വെറുതെ വിട്ടു

ഹേഗ്​: 2005 ഫെബ്രുവരി 14ന്​ ലബനാൻ പ്രധാനമന്ത്രി റഫീഖ്​ ഹരീരി അടക്കം 22 പേരെ ട്രക്​ ബോംബ്​ ആക്രമണത്തിലൂടെ വധിച്ച സംഭവത്തിൽ നാല്​ ഹിസ്​ബുല്ല ​േനതാക്കളിൽ ഒരാൾ കുറ്റക്കാരനാണെന്ന്​ ലബനാൻ സ്​പെഷൽ ൈട്രബ്യൂണൽ വിധി. മൂന്ന്​ ഹിസ്​ബുല്ല നേതാക്കളെ വിട്ടയച്ചു. ഇറാൻ പിന്തുണയുള്ള ഹിസ്​ബുല്ലക്കോ സിറിയൻ സർക്കാറിനോ ബന്ധമില്ലെന്ന്​ ​െഎക്യരാഷ്​ട്രസഭ പിന്തുണയുള്ള ​ൈട്രബ്യൂണൽ വ്യക്​തമാക്കി. ലബനാനും അന്താരാഷ്​ട്ര സമൂഹവും ആ​കാംക്ഷയോടെ കാത്തിരുന്ന വിധി പ്രഖ്യാപിക്കുന്നത്​ കേൾക്കാൻ റഫീഖ്​ ഹരീരിയുടെ മകനും ലബനാൻ മുൻ പ്രധാനമന്ത്രിയുമായ സഅദ്​ ഹരീരി അടക്കമുള്ളവർ നെതർലൻഡ്​സിലെത്തിയിരുന്നു.

ഹിസ്​ബുല്ല നേതാക്കളായ മുസ്​തഫ ബദറുദ്ദീൻ, സലീം അയ്യാഷ്​, അസ്സദ്​ സാബ്​റ, ഹസൻ ഒനീസി, ഹസൻ ഹബീബ്​ മെർഹി എന്നിവർ ഗൂഢാ​ലോചന നടത്തിയെന്നായിരുന്നു കേസ്​. മുസ്​തഫ ബദറുദ്ദീൻ 2016ൽ സിറിയയിൽ കൊല്ലപ്പെട്ടതിനെ തുടർന്ന്​ ബാക്കി നാലു പേർക്കെതിരെയായിരുന്നു​ വിചാരണ. ഇതിൽ സലീം അയ്യാഷിനെതിരെ അഞ്ച്​ കുറ്റങ്ങൾ തെളിഞ്ഞതായി ഡേവിഡ്​ റേ മുഖ്യ ജഡ്​ജിയായ ട്രൈബ്യൂണൽ വ്യക്​തമാക്കി. ശിക്ഷ പിന്നീട്​ പ്രഖ്യാപിക്കും.

ഹിസ്​ബുല്ലയും സിറിയയും ഗൂഢാലോചന നടത്തിയതിന്​ ​​ തെളിവൊന്നും ലഭ്യമല്ലെന്ന്​ 2600 പേജുള്ള വിധിപ്രഖ്യാപനത്തിൽ ഡേവിഡ്​ റേ വ്യക്തമാക്കി. ഗൂഢാലോചന ആരോപണ വിധേയരായവർ ഉപയോഗിച്ച മൊബൈൽ ഫോൺരേഖകളാണ്​ പ്രോസിക്യൂട്ടർമാർ ​പ്രധാനമായും ഹാജരാക്കിയത്​. ഫോൺരേഖകൾ അല്ലാതെ മറ്റൊരു തെളിവും ബാക്കി മൂന്ന്​ പേർക്കുമെതിരെയില്ല. ടെലികോം തെളിവുകൾ തികച്ചും സാന്ദർഭികം മാത്രമാണെന്നും ഡേവിഡ്​ റേ പറഞ്ഞു.

നാലു പേരുടെയും ഫോണുകളും പരസ്​പരബന്ധിതവും രഹസ്യ ശൃംഖലയായി പ്രവർത്തിച്ചതുമാണെന്ന്​ മറ്റൊരു ജഡ്​ജിയായ ജാനറ്റ്​ നോസ്​വർത്തി വിധിന്യായത്തിൽ കുറിച്ചു. 2014ൽ ആരംഭിച്ച ൈട്രബ്യൂണൽ 415 ദിവസങ്ങളിലായി​ വിചാരണ നടത്തുകയും 297 സാക്ഷികളെ വിസ്​തരിക്കുകയും ചെയ്​തു. ഇരുഭാഗങ്ങൾക്കും വിധിക്കെതിരെ അപ്പീൽ നൽകാൻ അവകാശമുണ്ട്​.

കൊലപാതകം നടന്നതും തങ്ങൾക്കെതിരെ ഗൂഢാലോചന ആരോപണം ഉന്നയിച്ചതും ഇസ്രായേലി​െൻറ പ്രവർത്തനം മൂലമാണെന്നാണ്​ ഹിസ്​ബുല്ല പ്രതികരിച്ചിരുന്നത്​. രണ്ടാഴ്​ച മുമ്പ്​ പ്രഖ്യാപിക്കാനിരുന്ന വിധി, ബൈറൂത്തിൽ ആഗസ്​റ്റ്​ നാലിന്​ നടന്ന സ്​ഫോടനത്തിൽ 180 ലധികം പേർ മരിച്ചതിനെ തുടർന്നാണ്​ ആഗസ്​റ്റ്​ 18ലേക്ക്​ മാറ്റിയത്​.