ന്യൂഡൽഹി: ബ്രിട്ടൻ പിടിച്ചെടുത്ത ഇറാൻ എണ്ണക്കപ്പലായ ഗ്രേസ് വണ്ണിലെ ഇന്ത്യക്കാരായ 24 ജീവനക്കാരെയും മോചിപ്പിച ്ചതായി കേന്ദ്രം. വിദേശകാര്യ സഹമന്ത്രി വി. മുരളീധരൻ ട്വിറ്ററിലൂടെയാണ് ഇക്കാര്യം അറിയിച്ചത്. മൂന്ന് മലയാളികളും മോചിതരായവരിൽ ഉണ്ട്. മലപ്പുറം വണ്ടൂര്‍ പോരൂര്‍ സ്വദേശി പുളിയക്കോട് കെ.കെ. അബ്ബാസിെൻറ മകന്‍ അജ്മൽ സാദിഖ് (26), ഗുരുവായൂർ മമ്മിയൂർ ക്ഷേത്രത്തിന് സമീപം മുള്ളത്ത് റോഡിൽ ഓടാട്ട് രാജെൻറ മകൻ റെജിൻ (40), കാസര്‍കോട് ഉദുമ നമ്പ്യാര്‍ കീച്ചില്‍ സ്വദേശി പി. പ്രജിത്ത് പുരുഷോത്തമൻ (32) എന്നിവരാണ് കപ്പലിൽ ഉണ്ടായിരുന്ന മലയാളികൾ.
Spoke to our High Commission @HCI_London on VLCC Grace 1. They confirmed all 24 Indian crew aboard VLCC Grace 1 have been released by Gibraltar authorities and are free to return to India. @narendramodi @PMOIndia @AmitShah @DrSJaishankar @MEAIndia @VMBJP
— V. Muraleedharan (@MOS_MEA) August 15, 2019
ബ്രിട്ടനിലെ ഇന്ത്യൻ ഹൈക്കമീഷണറുമായി സംസാരിച്ചെന്നും 24 ഇന്ത്യക്കാരെയും വിട്ടയച്ചതായി സ്ഥിരീകരിച്ചതായും വി. മുരളീധരൻ ട്വീറ്റിലൂടെ അറിയിച്ചു. ഇവർക്ക് ഉടൻ ഇന്ത്യയിലേക്ക് മടങ്ങാനാകും. കഴിഞ്ഞ ജൂലൈ നാലിനാണ് ജിബ്രാൾട്ടൻ കടലിടുക്കിൽ വെച്ച് ഇറാൻ എണ്ണക്കപ്പലായ ഗ്രേസ് വൺ ബ്രിട്ടൻ പിടിച്ചെടുത്തത്.
യൂറോപ്യൻ യൂനിയൻ ഉപരോധം ലംഘിച്ച് സിറിയയിലേക്ക് എണ്ണ കടത്തുന്നെന്ന് ആരോപിച്ചാണ് ഗ്രേസ് വൺ കപ്പൽ ബ്രിട്ടീഷ് നാവികസേന പിടികൂടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.