പ്രാർഥനയിൽ ലിംഗ സമത്വം ​കൊണ്ടുവരാൻ ചർച്ച് ഓഫ് ഇംഗ്ലണ്ട്

ലണ്ടൻ: പ്രാർഥനയിൽ എങ്ങനെ ലിംഗസമത്വം കൊണ്ടുവരാമെന്ന ആലോചനയിലാണ് ചർച്ച് ഓഫ് ഇംഗ്ലണ്ട്. അതേസമയം നിലവിലുള്ള സർവീസ് അവസാനിപ്പിക്കാൻ പദ്ധതിയില്ലെന്നും പള്ളിയധികൃതർ വ്യക്തമാക്കി.

പ്രാർഥനയിൽ ലിംഗസമത്വം കൊണ്ടുവരുന്നതിനെ കുറിച്ച് പഠിക്കാൻ പ്രത്യേക കമ്മീഷനെ നിയോഗിക്കുമെന്നും ചർച്ച് അധികൃതർ പറഞ്ഞു.

ഇതിനെതിരെ യാഥാസ്ഥിതിക വിഭാഗങ്ങൾ രംഗത്തുവന്നിട്ടുണ്ട്. ദൈവത്തെ പിതാവ് എന്നല്ലാതെ മാതാവ് എന്ന് വിളിക്കാൻ സാധിക്കില്ലെന്നാണ് അവരുടെ വാദം.